هذى الطريقه دجاج المشوي...تنفع للرحلات....
1- اول شي نغسل الدجاج عدل ونقطعه حسب الرغبة ونحطه في بادية نايلون او بلاستيك
2- نخلط البهارات مع بعض
بالاضافة الى تقطيع البصل ( وكل ما زاد البصل كان افضل
3- نبدي في دعك الدجاج مع البهارات المخلوطة والبصل ... وبعد ما نخلص نصب
على جميع قطع الدجاج قوطي روب ونخليه في الثلاجة لفترة انت تقررها .. كل
ما زاد كان احسن
4- وبعد هذا نفرش القصدير ونسوي القصدير 3 طبقات ( يعني 3 تحت و3 فوق ) مثل ما شايفين بالصورة
5- نبدأ في وضع الدجاج على القصدير مثل ما شايفين بالصورة
6- بعد ما نخلص من وضع الدجاج ، نقطع شرائح من البصل والطماط ونحطه على الدياي ، ثم نقول باغلاق القصدير بإحكام ودقة
7- بعد ما سكرنا القصدير نشيل القصدير ونحطة مباشرة على الفحم يعني لا
تحطونه على الشبك ... حطوه مباشرة على الفحم ، بس ديوا بالكم على القصدير
لا ينشق او تفتح فتحه ولو كانت صغيرة ، حاولوا تسكرونه وتخلون القصدير على
الفحم مده أطول ، ساعه تقريبا ، ولا تخافون اذا خليتوه اكثر عادي ما راح
يحترق ....
8- بعد ما خلصت الساعة نشيله شوي شوي لانه حار وديروا بالكم ترى القصدير بسرعه ينشق
9- نبدأ بفتح القصدير
10- راح تشوفون مفاجأه ... تشوفون ان الدجاج ذايب والطماطم فوقه والبصل
يعني شي عجيب..
