الحلو النهاردة كنافة بالقشطة

اقدم لكم اليوم اجمل الحلويات التى يحبها الكثير منا وخاصا الزوجات
اليوم مع احلى الحلويات كـــــــــــنافه بالـــــقشده


المقادير
1/2 كيلو كنافه

كوب سمن سايحه

للقشطه:

2 كوب حليب

5 ملاعق كبيره دقيق

كوب قشطه



للشربات .. (القطر يعنى):

1/2 1 كوب سكر

3/4 كوب ماء

عصير ليمونه

فانيليا


الطريقة


تحضير القطر:

نخلط مكونات القطر كلها في اناء ماعدا الليمون و الفانيليا



نضع الاناء علي النار الهادئه و نتركه حوالي 10 دقائق



نضيف الليمون و نتركه يغلي قليلا ثم نضيف الفانيليا و نبعد القدر عن النار و نتركه ليبرد تماما



تحضير القشطه:



ندوب الدقيق في الحليب علي البارد

ثم نرفعهم في اناء علي النار حتي يسمك الخليط هكذا

نبعد القدر عن النار و نضيف القشطه و نقلب جيدا حتي يتجانس الخليط تماما

و تصبح القشطه جاهزه



تحضير الكنافه:



- تفتت الكنافه و تفرك جيدا بالسمن السايح

- ندهن صينيه بالسمن

- نضع نصف مقدار الكنافه

- نضغط علي الكنافه الموجوده في الصينيه جيدا جدا باستخدام صينيه اخري اصغر منها

- نرش مقدار من السمن السايح

- نغطي الكنافه بطبقه القشطه (مع الابتعاد عن الاطراف)

- نضيف النصف الآخر من الكنافه المفروكه بالسمن و نضغط عليها مرة اخري

- نرش مقدار جيد من السمن السايح



طريقه الخبز:



ممكن تخبزيها في الفرن عادي و تحمري الوجه

و ممكن تخبزيها علي سطح البوتاجاز

يعني تحطيها علي البوتاجاز و لما تلاقيها اتحمرت من تحت تقلبيها في صينيه تانيه

و اول ما تستوي و تكون ساخنه جدا ترشي عليها القطر البارد



و لازم تسيبيها تبرد خالص قبل التقطيع علشان ما تتفتتش منك









و فى الأخر نحبس بالشاى



أظن المنظر دة بيفكروا بحى الحسين و القهاوى المميزة هناك زى قهوة الفيشاوى



كان نفسى اعملكو مسقعة أو كشرى بس الأكلات دى ماتناسبش رمضان



يللا نعملها فى يوم تانى ان شاء الله