الليل والحرمان

أزيكم يا أجمل أعضاء

النهاردة بعرض عليكم أول قصيدة كتبتها وكانت عامية ، ووقتها نالت إعجاب بعض الأدباء التي تمتنا بهم صلة حميمة ، وأذكر منهم جيدا

شاعري وأستاذي الفاضل / خالد الألفي ، والشاعر العظيم رحمه الله / عبد الهادي سرحان

الليل والحرمان

كتب القلم فوق جبين الزمن .. حكايتي
من بين قطبان الحديد والسجان
والحق فين ؟
والظلم تاه مع الدخان
انا كنت شمعه ف قلب بيتي دايما والعه
والشمس تطلع علي الف صرخة اااااه
من قلبي طالعه
سيبوا الجروح ف القلوب .. ساطعه
انا كنت فارس ،
والمهره دي غيتي
قلب الزمن جبينه ،
وزادت معايا حرقتي
أكتب يا قلم .. قول
لما بمشي ف الشوارع ،
والسما تنزل مطر
ليه بلاقي دمع عيني
والسكات شل الشجر
لما بضحك .. لما ببكي
ليه بلاقي الدنيا واسعه ؟
ليه بشوف كل الخلايق ..
ف البيوت مش ف المحن ؟
واللي غادر ،
واللي خاني ،
واللي باعني ،
واللي شاف الدمع ساكن جوه قلبي
راح وسابني
قالي صاحبي ليه بتبكي جوه مني ؟
قولت شوف الحزن مرة ..
قالي تقي الدنيا مره ..
قولت سبني
قولت سيب الحزن ساكن جوه مني
لما كانت راس ابويا فوق دراعي اللي انكسر
لما راحت روحه جنبي
اصل شاء جنبي القدر
وانتوا يا احلي اتنين ف حياتي
ليه باديكم تهزوا كياني ؟
ليه بتشلوا الشمس ونورها ؟
ليه بتطفوا النور ف الغمه ؟
يالا تعالوا :
هزوا كياني كمان وكمان
منا من صغري ..
شايل عمري
ف قلب الليل ، والحرمان .

الحقوق محفوظة لدي لكاتب

يالا تعالوا :
هزوا كياني كمان وكمان
منا من صغري ..
شايل عمري
ف قلب الليل ، والحرمان .

بجد تسلم ايدك

نور العيون

أنارتِ الموضوع بومض نورك الفعال ، ولعلها فرصة كي أدعوكي لقراءة قصيدتي " من علامة للمنتدي " والموجوده في نفس القسم

والمحملة بشكر وتقدير لكِ ولباقي الأعضاء .

تحياتي

قريتها بجد تسلم ايدك

وسلم حضورك الراقي ، ومتابعتك

تحياتي وأحتراماتي

سيبوا الجروح ف القلوب .. ساطعه
انا كنت فارس ،
والمهره دي غيتي
قلب الزمن جبينه ،
وزادت معايا حرقتي
أكتب يا قلم .. قول
لما بمشي ف الشوارع ،
والسما تنزل مطر
ليه بلاقي دمع عيني
والسكات شل الشجر
لما بضحك .. لما ببكي
ليه بلاقي الدنيا واسعه ؟
ليه بشوف كل الخلايق ..
ف البيوت مش ف المحن ؟

انا كنت فارس ،
والمهره دي غيتي
قلب الزمن جبينه ،
وزادت معايا حرقتي
أكتب يا قلم .. قول
لما بمشي ف الشوارع ،
والسما تنزل مطر
ليه بلاقي دمع عيني
والسكات شل الشجر
لما بضحك .. لما ببكي
ليه بلاقي الدنيا واسعه ؟
ليه بشوف كل الخلايق ..
ف البيوت مش ف المحن ؟

كلامك حلو اووووى يا احمد ربنا يحميك يااااارب وينمى الموهبة دى عندك

احمد انا مش عارفة اختار انهي جزئيه في القصيدة و اقول انها عجبتني
لان القصيدة كلها مشاء الله جميل جدا و كلامها رائع جدا
بجد مشاء الله عليك ربنا يحميك

» ***أحب الليل***
» سهرانه طول الليل
» عاشقة الليل
» زائر الليل
» لا نهار ينهي الليل