فهمت إحساسى غلط

باعتذرلك فهـــمت كلامى لك غـــلط

باعتذرلك فهمت إحساسى لك غلط

كنت بتسمعنى ومعاك بتكـلم

واسمع منك كـــتير واتعـــــلم

متخفش مأدرش أقولك حبنى

كنت محــــتاجة بس تودنـــى

باعتذرلك فهمت إحساسى غلط

****

ححب اللى قلبه وروحي تحسنى

ويتمنى وجودي معــــاه ويحــبنى

بس حقيقى مشــــتاقة أسمعك

كتبت كـــــلامى وإزاي يوصــــلك

لوطلبت الصدق مش حاخدعــك

وعارفة إيه اللي لـيا يرجــــعــك

باعتذرلك إوعاك تفهمنى غـلـط

*****
كل شئ فى الكون له حد وينتهى

إلا غلوتــــك جــــوايـــــا بتبتـــــدى

صورك عليها كـــــــتبت شكويتــى

حتسافر معايا تشاركنى وحدتـى

كان نفسي آجى بسلامى أودعك

لكن أخاف تفضــــــــــحنى نظـرتى

*****

وآلاقى المشاعر جوايا اتلخبـطت

وكلماتى بصورك من إديه اتبعترت

حتلقى فى كل صورة مشاعري اتكلمت

حتقولك أد إيه من البعد إتألمت

وتشوف فى عينى الدمعة اتكسرت

ونبض ودقات قلبى سلمت

والأرض من تحتى آلاقيها اتحولت

ومشاعري اللى فضلت أداريها صرحت

*****
يمكن تحس بيــــا وتفــــتكر

انا ليه كنت ليك دايما بعتذر .