قالت آحبك قلت كذابهـــ انــتي ..
قالت وربي قلت آمنـت بالـله
قالت وقعت قلت كان انتبهـتي ..
قالت قليبي قلت يتحمل اخطـاه
قالت جروحي قلت ليه انجرحـتي ..
قالت صدودك قلت قلبي وما جاه
قالت عذابي قلت يومك كذبـتي ..
قالت ظروفي قلت كـلـن وليـلاه
قالت وش فيك قلت ليتك سكـتي ..
قالت علامك قلت ماضـي ذكرناه
قالت حسوفه قلت لا مافهمـتي ..
قالت ندم قلت الندم ماعرفناه
قالت توادع قلت كانك سمـحـتي ..
قالت وحبي قلت يمكنك سـلـواه
قالت مخادع قلت لامـاصـدقــتي ..
قالت اناني قلت مبدأ رفضنـاه
قالت كتبت قلت وش اللي كتبتي ..
قالت فراقك قلت وقعت ادنـاه
قالت ظليمه قلت قاضي وحكمتي ..
قالت ظلمتك قلت الحمدلله
ثلاث سنين
ثلاث سنين تحلفين دمعتك مافارقت عينك
غرام و وجد
وتحلفين لي ...!!
وانا اصدق ...!!
ثلاث سنين تحلفين صورتي مافارقت جفنك
وَلّـه ... وهيام
وانا اصدق ...!!
ثلاث سنين تحلفين ما نسيتي اسمي
ولا لحظة
وانا اصدق ...!!
ثلاث سنين ...؟!
ثلاث سنين وتاليها فمان الله ...؟!
ياااااااااااه
قوية حيل ...!!
ثلاث سنين ياكذابه ...؟!
ووش قلبك ...؟!
أنا اتحدى إذا قلبك مثل باقي البشر ينبض ...!!
أنا اتحداك ...؟!
وش رايك ...؟!
أنا اتحداك إذا عمرك عرفتي العشق وش معناه ...!!
أنا اتحداك إذا تقدرين توّصفين لي مشاعر قلب ...!!
أنا أتحداك إذا تعرفين تحبين أي شيء ...!!
أجل معقول من جدك عقب ما اعطيتك أشواقي
واحاسيسي
ومشاعر من وسط جوفي
وصرتي أنتي أول أحلامي
وعشقي
وبيتي في وسط صدرك
تكافئيني
" بـــ \ فمان الله ...؟! "
قوية حيـــــل ...!
مين إنتي ...؟!
قولي أي شيء ... لكن لا تقولين إنك بــشـر ...!!
ياويل العاشق الكذاب من ربه ...؟!
ثلاث سنين تقطف من بساتيني غلا ... و ورود ...؟!
وانا ازيدك ... واتلذذ وانا اعطيك ...!!
ثلاث سنين تاخذيني على عقلي ...؟!
وانا في وادي النيات على النية ...
وعلى ما ينبضه قلبي ...!!
ثلاث سنين وتاليها انتهى كلش ...؟!
بعد ماكنتي لي كلّش ...!!
إذا تسميين هيامك عشق
مالك بالهوى ملة
وربي ما بعد شفت بحياتي قاسيٍ مثلك ...؟!
ثلاث سنين عمر إنسان
إذا تدرين ...؟!
ثلاث سنين يدق القلب فيها مية مليون دقة ...
إذا قلبك عرف يدق لو دقة ...!!
ثلاث سنين وتاليها الغلا كذبة ...؟!!
وعمر إنسان ... يدفن في خفا النسيان ...!
وعشق إنسان لكذب إنسان ...!!
وتخل ...!!
يكون القلب بيدينك ...
مجرد تسلية ... لعبة ...!!
مو قاسي ...؟!
عموماً ليش أكتب فيك
واضيع بك بعد ليلة ...
كفاية عمري اللي ضاع
ثلاث سنين ...!!
وضاع اليوم بعد ليلة ...!!
ويا خوفي إني احبك ...!!
واقاسي ... وانتي لي قاسيه ...!!
واعاند عقلي وفكري ...
وابيع لضحكتك ناسي ...!
واساير قلبي المسكين ...
ووش باقي عقب هالعمر ...؟!
ضاعت مني سنيني على كذبة ...
؟!
تبين تكملي ...؟!!
أنا موافق ...
تعالي نكمل اللعبة ...!!
وتاليها مغير سنين ...
وقلبٍ ينذبح ويموت
وقلبٍ بس يتسلى ...
يظن إن الهوى لعبة ...!!
وخذي سكين ...!!
وحلالك قلبي المسكين ...
ولا اوصيك ...
ابد والله ...!!
من الشريان إلى الشريان ...
سهلة ... صح ...؟!
انا ادري ذبحتي بيديك مهي صعبة ...!!
فديـــــــــتك وانتي ظالمتني
فديــــــــــتك وأنتي قاتلتني
فديـــــــتك أعشقك من جد ...
وانا ادري فيك
كذابه .... يا كذابه ...
ولالي بالهوى حيلة
عشقت وذبت ...!!
ولازم اواصل ...
وانا ادري فيك ياكذابه ...!!
لكن الهوى ملعون ...!! ابن ملعون ...!! ابن ملعون ...!!
وفدوة عينك الثنتين ثلاث سنين
وخذي معهن ثلاث سنين ...!!
إذا باقي ثلاث سنين ...!!
وربي يسعد ايامك ...!!
