شوفت يا قلبي .. أهو دة اللي كنت بقوللك عليه زمان ..
أهو دة اللي حصل و دة اللي كان.
صدقت دلوقتي لما شوفت بعنيك ازاي باعك و ازاي خان ..؟؟!!..
نساك في لحظة و انتهيت في لحظة نسيان.
خلاص يا قلبي ما تقولش حُبّ كمان .. انساه زي مانساك ..
ارميه زي ما رماك
عارف يا قلبي انه أول واحد أول انســان ..
تصرّح إنك تطلّعله كلمة حُب كلمة حنان
عارف إنــك حبيته بكل روحك بكل نبضك و دلوقتي زعلان .
معلش يا قلبي هتتعذب شوية و هيبقي ذكريات تتحكي مع اللي كان
عارفــ إنك ما حبتش غيره .. لكن خلاص نساك ..!!
نسي حبك ..نسي كلامك .. نسي حنانك نسي هواك .
لازم تواجه نفسك يا قلبي .. لو كان دة حب بجدّ ..
ماكانش سابك تتــهدّ .. تبكي دموع تنزل عالخــدّ ..
في وسط الليل و مافيش أي حدّ .. حاسس بيك و كل اللي قدامــك طريق طويل
أخره سدّ.. خلاص يا قلبي إنساه صدقني و اوعي تبص لحدّ ..
تقول حب تاني إيـــاك .. و عايز منك وعد ..
هو بس اللي يكون عايش جوّاك..أوعــي تقســي عليه جوّا خلاياك ..
خليك يا قلبي حافظُه عندك و أوعــي و إيــاك تحب غيره .. و إلا هتتعذب تاني .. و اللي هتحبه أكيــد هييجي يوم و هينساك !! بحبك و نفسي تحس بيا بجد
لما بتكون زعلان مني ..و بعيد عني .. وببقي نفسي اصالحك
و كل اللي الاقيه منك كلام يزعلني و يدايقني و نهاية ..
و كان دة كلامي في مرة نهيت معايا فيها
**..مش قادره انساك..**
