محشش يقول قصته وهو ببطن امه < ضحك‎

[center]
في البداية يوم كنت نطفه ظنيت إني من كريات الدم البيضاء
ماعرفت إني من بني البشر إلا لما قالت( الدكتورهـ ) لأمي مبرووكـ ياست هانم إنتي حامل

عاد أمي من الفرحة حطت يدها على بطنها في المكان اللي أنا موجود فيهـ عرفت إني المقصود وفهمت إني مشروع بني آدمي . .
بيني وبينكم ضاق صدري .. قلت شنو لي بالم الراس أطلع لعالم ثاني وأصير إنسان وفي حساب وعقاب وأدرس.... اووف .

همست لي عقلي قال إحمد ربك بتطلع وبيصير عندك إيميل وماسنجر صج أنه بتمل بس ماعليه ..وتشترك في منتديات ,,
قلتلها وأصير مشرف في منتدى قالت كل تبن إلا هذي .,
فرحت أنا قلت أجل بطلع اللحين قال راح ادري باقي تسع شهور (تحطيم)ـ .,

ولما صار لي خمس شهور كنت حاس إني ذكر بس قلت يمكن أكون بنت - لحوووووووووول ..البنات ما عنده حريه....
قعدت أقطع الشعيرات الدمويه وأقول غلام فتاه.. صبي صبيه.. بزر بزرهـ
زلمه صبيه

وأنا أفكر سمعت صوت أبوي يكلم أمي حاولت أركز شنو يقولها قربت إذني طلع أبوي يتغزل في أمي
(تم تشفيره .....) كنت بتصل عليهم وأقول إستحوا أنا أسمعكم بس ما قدرت لي
بصراحهـ إستحيت من كلام أمي وأبوي قلت أنام أحسن لي عيب أجسس عليهم بعدين يعاقبني ربي
ويصير ولدي يتصنت علي

جلست أمص اصبع رجلي لين نمت وبعد فترهـ سمعت صوت قوووي يتجه ناحيتي قمت بطولي
إلا ويرتطم راسي ببطن أمي آآآآخ بس قوة الصوت نستني الألم الله لايوريكم كأنه شلااال نازل عليناا أحاول أنحااش
هني ولا هناك مني ولا مناك مافيه مجال ربي ستر ومر من جنبي وماتأذيت طلعت أمي اللي يهديها
شربت ماي بكميه كبيره على غير العادهـ بس والله تونست جلست ألعب بالمويا بريووولي كنت بسبح بس ماعندي مااايوهـ ..

لما جاء الشهر السابع راحت أمي ومعاها أبوي للدكتوره تطمئن أمي على صحتها
طبعا نامت أمي على السرير وابوي واقف يمها ( بيحسسها بالأمان ) قلت حشااا ليش هو انتي حامل بوحش !!

الدكتورهـ حطت جهاز على بطن أمي وبدأت تحرك يمين يسار فوق تحت وههم يشوفوني على الشاشه
عاد أنا قمت أتدلع واحرك ريلي وأفتح عيوني وأغمضها بنعومهـ وأمص أصبعي .,

وأمي وأبويا يتبادلون نظرات الحب والرومانسيه ويبتسموااا ويوم شالت الجهاز وإنقطعت عن الرؤيه
وأنا أقول فكهـ كأن عمرهم ماشافوا ياهل

عاد سألت أمي الدكتورهـ متى موعد الولادة قالت باقي شهرين سمعت الخبر
ويجيني إنهيار عصبي شهرين يامفتريه خلاص أنا طفشت أنكتمت الجووو حار مافيه الا مكيف صحرواي حتى مايبرد
قلت مايصبرنا غير النوم ونمت شهرين (نومة أهل الكهف)

صحيت من النوم وحسيت بملل وفراغ قاتل حاولت أرفهـ عن نفسي ورحت ألعب لعبة الحبل بإستخدام الحبل السري
وأجلس أنطط وأغني شبره أمره شمس نجوم كواكب هواء واحد اثنين ثلاثه هيييييييييييييييه ...

وفجأه من قوة ماأنطط تزحلقت وأنقلب يصير راسي تحت ورجولي فوق قامت أمي تصررخ .,

أخذها أبوي على طووول لأقرب مستشفى قال الطبيب هذي ولااااااااده لما سمعت الخبر وأنا أفرح مابغينا نطلع
وبديت أكشخ وارتب حالي أستعد للقاء الأول مع صديقي بالحضانهـ
وأمي كل شوي تتعالى صرخاتها حطوها على السرير متوجهين لغرفة الولاااااده وأبوي يمشي يمها
ويقولها لاتخافي أنا معاكي ترد أمي أخاف أموت وانا اولد , أبوي رد عليها والدموع تنهمر من عينيه ياجعل يومي قبل يومك
<===<< متأثرهـ بالأفلام

وأنا أقول ماوصلنا لغرفة الولادهـ إنكتمنا ياهوه هوّوووووووونا .,
طبعاً نقلوا أمي لسرير الموجود بالغرفه وجاء الدكتورهـ ومعاه النيرسات .,
قال الدكتور لأمي زفيييييييييير أمي فهمتها عكس أدتها شهييييييييييق واذا انا اللي أنشفط وأدخل جوّووا دقيت أمي بكوعي
قلتلها يقولك زفير زفير الظاهر أمي سمعتني وزفرت زفرة وتدفعني أمي بقوه وأنا طلع سرعتي 180 ميغابايت
وطلع كل شي فيني الا خشمي قلت لحووووول هذا اللي كنت خايف منه

إستدعى الدكتور الطاقم الطبي عشان يطلعون خشمي حاولوا المرهـ الأولى والثانيه مانفع وبعد ثالث محاوله طلعوهـ ) الثالثه ثابتهـ )
قعدت أبكي وأقول للدكتور سكر عيونك
وتشيلني النيرس على يدها وتلفني بذاك الأبيض
ياسلاااااااام وأخيرا انتهت معاااناتي

هههههههههههه
اضحك الله سنك

تسلمين

علي مرورك علي موضوعات وجزاء الله خيراا

شكرا يام صالح ابدعتي

اذا بدعت ابدع من الامثل الا اهي انتي
وشكرا Laughing

» محشش يقول قصته وهو ببطن امه..
» شاب يرو قصته وهو في بطن امه ادخلو واضحكو ^_^
» واحد سوداني يحكي قصته مع الإنترنت والشات
» مترجم محشش
» محشش فى قمه الرومانسيه