اذا جيت اجمع اوراق الزمن بالدفتر المحشور
تفرقها هبوب الريح ماطالت لها إيدينا
اعايش واقعي وابدي لغيري خآطري مسرور
واخفي عن عيون الناس ماسوى الزمن فينا
تعبت وملت الاقدام والرحلة ماهيب شهور
وامانينا مع الايام ماضاعت امانينا
جروح الماضي القشرى تعلت في مضيق الزور
وبكت منها العيون لكل جرحن بآت يرثينا
وسعينا ماشكينا والسعادة حبلها مبتور
حضوض عاثره تاهت خطاها عن خطاوينا
سهرنا في دجا ساحل بحور العالم المهجور
واصبحنا مع الايام لاشاطى ولا مينا
الا ياغيمة السلوان سآقي قآعي الممطور
ابي سيلك مسافاتن يدرهم فيه وادينا
ابي سلوى ليالينا مع الطبشور والسبور
وابي ذكرى زمانن صار عن غيره يسلينا
ولاكن مع تضاريس العمر نبقى وساع صدور
نشيل حمولها والباقيه في علم والينا
تعلمنا نعيش احرار والعزه لنا دستور
ندوس اخطارها ماننثني من عهد ماضينا
نعيد ايامها واحلامنا تبقى براس الطور
وجبين الوقت لو يشكي شكى بصمة يمانينا
ودي واحترااامي....
