محاضرات في السعاده الزوجيه ( 10 محاضرات)

السلام عليكم ورحمة الله وبركاتة


انا حاسية اليومين دول ان الستات بيتعبوا قوي وان الراجل ده كائن غريب قاعد واكل شارب نايم وبرضه مش عاجبه حاجه عشان كده قلت اقول لاخواتي كام نصيحه اخويه من واقع حياتي الشخصيه
وباعتبر ان النصائح دي هي سبب سعادتي شخصيا في حياتي الزوجيه
يلا كل واحده تجيب ورقه وقلم عشان نبتدي الكورس والكورس 10 حصص كل حصه نصيحه وشرحها
الحصه الاولي
في حالة طلب الزوج لاي طلب تشعرين انك لن تستطيعين تنفيذه

طبعا الكائن الراجل اما حضرتك وقعتي علي استلامه اخدتيه من بيت عز (ده رأيه)واقصي مجهود كان بيعمله انه يفرد ضهره كده ويطلب اللي هو عاوزه(حتي لو الكلام ده وهمي برضه حيحاول يفهمك كده ابقي فوتيها)يعني بالعربي كل انثي اتعامل معاها في بيت اهله كانت مسخره لخدمة حضرته
ويا سلام لو كان ربنا اعطاه 3 او 4 اخوات بنات يبقي كده كملت
طبعا بناء عليه حتلاقيه مايعرفش حاجه عن ثقافة اخدم نفسك وحيطلب حاجات كتير جدا في وقت واحد ومعظمها حاجات عمره ماطلبها
طيب حتعملي ايه بقي في تسلط حضرته؟
اول خطوه لازم تستقبلي كل الطلبات بابتسامه ولازم يحس ان طلباته اوامر وياسلام لو كان في ايدك حاجه وسبتيها

عشان تنفذي طلبه
مثال:حضرتك بتطبخي وطلب تخيطي زرار قميص
هو:ياهانم القميص زراره مقطوع(وهو عنده 10قمصان بس حبكت)
حضرتك:حاضر حالا ياحبيبي(وتوطي النار وتطلعي بابتسامتك الساحره) وبعد ثانيتين بالظبط من مسكك للابره والفتله
والنبي ياحبيبي روح بص علي الاكل احسن يتحرق ده انا عامله لك........
تفتكري مش حيروح؟حتلاقيه يا اما راح يا اما اخد منك القميص وكمل الخياطه لنفسه
يبقي ملخص اول درس1_استقبلي الطلب بود وابتسامه
2_اشرعي بالفعل في تنفيذ الطلب
3_كلفيه بالمهمه اللي كنتي بتنفذيها


..

والي اللقاء الحصه الجايه

جميل ياااااااااا ادمن