كلمات خطيره ..........لازم نتجنبها..........إنتبه!!!!!!!

بعد السلام والتحيه

بسم الله الرحمن الرحيم

عَنْ أَبِي هُرَيْرَةَ رضي الله عنه أَنَّهُ سَمِعَ رَسُولَ اَللَّهِ صلى الله عليه وسلم يَقُولُ: إِنَّ اَلرَّجُلَ لَيَتَكَلَّمُ بِالْكَلِمَةِ، لَا يُلْقِي لَهَا بَالاً، يَهْوِي بِهَا فِي اَلنَّارِ، أَبَعْدَ مَا بَيْنَ اَلْمَشْرِقِ وَالْمَغْرِبِ .

لذلك:

اليكم كلمات خطيره جدا تودى الواحد فى داهيه وهو مش واخد باله وللأسف كتير مننا بيقولها ومش فاهم معناها .......لذلك
انا جيبالكم النهارده كلمات لازم لازم نتجنبها مش هطول عليكم .

اليكم الأن ....................

(( يدى الحلق للى بلا ودان))

وسبب التحريم ان الكلمه دى معناها انك بتعدل على ربنا فى تقسيم الرزق وده طبعا حرام وكفر بنعمة الله عليك لانك مش راضى بللى ربنا قسمهولك.

((فلان ربنا إفتكره))

وسبب التحريم ان الكلمه دى معناها ان ربنا كان ناسيه ولما إفتكره خده ، بقى ده كلام بزمتك. حرام طبعا لان ربنا ما بينساش حد .

((والنبى ، والكعبه الشريفه ، وحياتى ، والختمه الشريفه ، ورحمة أبويا و امى ............ وماشابه ذلك ))

وسبب التحريم انك بتحلف بغير الله ودى كلمات من الكفر وليعاذ بالله.

طب نعمل ايه وكلمة والنبى فى لسانا عالطول .

لما تقولها قول لا إله إلا الله مباشرة وعود لسانك ان مش تقولها تانى .

((لا حول الله يارب ))

اما دى بقى مصيبه لانك كده بتقول ان ربنا مالوش لاحول ولا قوه ، والكلمه دى بتتقال لما واحد يحصله كارثه او مصيبه او ابتلاء فتلاقى اللى قدامه قال لا حول لله وده طبعا كفر بالله .

اومال تقول ايه ؟؟؟؟؟؟؟؟؟؟

تقول "لاحول ولا قوة الا بالله" او "ياحول الله"

((ده احنا زرنا النبى ))

وسبب التحريم انك بتشبه الضيف اللى زارك بالنبى وده بردو حرام وغلط. هى صحيح زيارة هذا الشخص طيبه وجميله لكن مش لدرجة انك تشبه بالنبى .

((يلعن ابو الزمن اللى ..........))

ودى بردو كلمه مصيبه لانك بتلعن الزمن !!!!!!!!

أوتدرى من هو الزمن (الدهر) ؟؟؟؟؟؟؟؟؟؟؟؟

الزمن هو الله ألم تسمع حديث ابى هريره:

عن أبي هريرة رضي الله عنه قال : قال رسول الله - صلى الله عليه وسلم - : ( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) .

ومنها رواية للإمام أحمد : ( لا تسبوا الدهر فإن الله عز وجل قال : أنا الدهر الأيام والليالي لي أجددها وأبليها وآتي بملوك بعد ملوك ) وصححه الألباني .

جاء الحديث بألفاظ مختلفة منها رواية مسلم : "قال الله عز وجل : يؤذيني ابن آدم يقول : يا خيبة الدهر ، فلا يقولن أحدكم : يا خيبة الدهر ، فإني أنا الدهر أقلب ليله ونهاره فإذا شئت قبضتهما ".

ولهذا أثبت الله الأذية في القرآن الكريم فقال تعالى : {إن الذين يؤذون الله ورسوله لعنهم الله في الدنيا والآخرة وأعد لهم عذابا مهينا }(الأحزاب 57)، ونفى عن نفسه أن يضره شيء فقال تعالى : {إنهم لن يضروا الله شيئا }( آل عمران 176) ، وقال في الحديث القدسي : ( يا عبادي إنكم لن تبلغوا ضري فتضروني ) رواه مسلم .

((الزمن غدار ))

والسبب لنفس السبب السابق .

فى بقى حاجه كمان سمعتها فى اغنية عبد الحليم حافظ من زمان لانى الحمد لله خلاص قاطعت الاغانى بس افتركتها فقولت اقولكم عليها لحسن ترددوا الاغنيه وانتم مش واخدين بالكم

فى اغنيه من اغانيه قال كلمة (( قدر احمق الخطا )) ..... استغفر الله العظيم

انا مش هتكلم فيها كتير........

بس بدعيله ربنا يسامحه عليها ....

ماهو القضاء والقدر من الله يبقى ازاى يقول كده ربنا يسامحه بقى .

...لا تبخلو عليا بالردود...

(مش منقول ولكن مقتبس بعضه )

تسلمي علي المعلومات القيمة دي

تسلمي بجد موضوع قيم جدااااااااااااااااااا

شكرا ليكي
موضوع جميل

جــــــــــــــــ الله كل خير ــــــــــزاك

و بـــــــــــــــ الله فيكِ ـــــــــارك

موضوع قيم
نفع الله بك الإسلام والمسلمين

» إسطوانة شاببيه خطيره جداااا ((أنا لازم أتغير)) بها أغلب مشاكل الشباب وهامة جداً
» مجمووعه خطيره واستآيلآت رهيبهـ للبنآت ~
» لازم تقراها.................
» كلمات حب وغرام جميلة/ كلمات حب وعشق
» كلمات وداع و كلمات فراق