يا طيــــر ياللي طايــــــر

إنت يا طير ياللي طاير

في السما من غير وداع

يا ترى هوَّ انت حاير

واللا ماشي تسيب صُداع

هوَّ لمـَّا الحاجه تِغلـَىَ

في البلد تِهرَب تِهاجر

تشتغل في بلاد بعيده

وانت لابس كام قناع

طب بلدكوا سيبتوا فيها من قرفكوا الغـُلـْبْ داير

وانتوا فيكم قوه جامده وكلكم زي السِباع

مين هينـْتِجْ أو يصنـَّع أو يجيب أموال شكاير

ـــــــــــــــــــــــــــــــ

بالإراده والعزيمه تِقـْدَروا تِبنوا البلد

متقولوش مواليد كتيره وكل يوم ناس تتوَلـَد

إستفيدوا من تجارُب شرق آسيا وكام بلد

فيها سُكانها الكتيره وكل يوم بتزيد عدد

شغـَلـُوهُم في المصانِع

أوجَدوا ليهم عَمَل

وانت رُحت بلاد بعيده تِشتغل من غير أمل

سِبْت بيتك .. سِبت أهلـَك

سِبت غيط م الهَجْر باير

ـــــــــــــــــــــــــــــــ

مين يحِل المشكِله دي

مين يكون جوه الصراع

فيه لصوص ماده الأيادي

ماشيه تِسرَق في البلد

ضيَّعوا حق الولد

واللي لِسه هيتوَلـَد

وانت بتهاجر بعيد ؟

سِبت مجموعة لِئام

حَوِّلوا كـُله لعبيد

سِبت ناس بتقول كلام

كـُلـُّه فالصو ومش مفيد

سِبتـُهُم نشـَرُوا الضلام

سِبت حَقك راح وضاع

سبت مصنع أصلـُه مِلكك

سِبت اخوك أصبح شريد

خصخصوه حَزَّر بكام ؟

كان قِطاع ضخم وباعوه

شرَّدُوا كل اللي فيه

واشتراه واحد ونام

لو أحِللِكوا الطلاسِم !

يبقىَ دول حبة ضِباع

واللي كان في الأصل مالـَك

إشتراه .. وهو اللي باع

يبقى مين هوه اللي ناهِب

واللي كـَل أكل اللي جاع ؟؟

**************

بالإراده والعزيمه تِقـْدَروا تِبنوا البلد

متقولوش مواليد كتيره وكل يوم ناس تتوَلـَد

إستفيدوا من تجارُب شرق آسيا وكام بلد

فيها سُكانها الكتيره وكل يوم بتزيد عدد

شغـَلـُوهُم في المصانِع

أوجَدوا ليهم عَمَل

وانت رُحت بلاد بعيده تِشتغل من غير أمل

سِبْت بيتك .. سِبت أهلـَك

سِبت غيط م الهَجْر باير

يا سلام وحشني شعرك يا قمر
هشوفك في الجامعة يوم الاتنين

جميل ياااااااااااااااا ادمين

very good admin
ई♥happy♥¸-“¨¨”-¸♥valantine♥ ¸-“¨¨”-¸♥day♥¸-“¨¨”-¸

جميل جداااااااااااااااااا

منورين عطركم واصلني وكلامكم شدني تسلمولي

ياادمين
هذا من اجمل ماقرأتُ لكِ
واحسبُ ان هذا يُبشر بمستقبل لكِ في هذا المجال ان شاء الله
الله يوفقك

جميل يا ادمين