يا بحر بسألك ليش أمواجك الليلة تعاني

تذكر اللي لا لفتني بشر القلب المعاني
تذكر اللي كلها حب وغرامـ ونهر طيبهـ

تذكر اللي صوتها تشتاق له حتى المواني
كل ميناء يسأل الثاني إذا طول مغيبهـ

تذكر اللي في كفوفي تشعل الدنيا اماني
تذكر اللي نورها سود الليالي تقتدي بهـ

تذكر اللي سلهمتها تقلب الساعة ثواني
تذكر اللي عطرها حتى طيوركـ تحتفي بهـ

تذكر اللي علمتني كيف اروض هالمعاني
كل ما مرت علي رخت للشعر انتخي بهـ

تذكر اللي كل صبح تمرني باحلى تهاني
صار كل العمر عيد وصارت اقرب من قريبهـ

بل يومين تركتني ورحلت مع شخص ثاني
شخص ما كانت تحبهـ بس ما ادري وش تبي بهـ

ادري اني من سببها كاسرٍ خاطر زماني
و ادري اني اول انسان كسر خاطر نصيبهـ

وادري أن الله خذى مني مثل ما هو عطاني
وادري ان الغاليهـ راحت رضى ماهي غصيبهـ

بس اقول الله كريم وعمر كل الناس فاني
والمكان اللي خلا من زولها وش ينبغي بهـ

مدخلكـ باللهـ قلي حط نفسكـ في مكاني
وش تسوي يا بحر لا صارت فاقد لكـ حبيبهـ