رواية قبل لا تنساني حبيبي أسمع آخر كلماتي للكاتبه سلمتكم قلبي لاتردونه كامله

بسم الله الرحمن الرحيم

روايه أعجبتني وحبيت أنقلها لكم

طبعا الروايه كامله وبعدين نتناقش فيها

اليكم الروايه
.
.
.
.
.
.
(قبل لا تنساني حبيبي اسمع اخر كلماتي )
.
.
.
.
شفت موتي وانا حــــــــــــــي
والسبب هم فرقـــــــــــــــاك
ارفق بحالي شــــــــــــوي
قلبي ماطاع يســـــــــــــلا
اطلبك دامني حي تحفظه لي ويفداك
خلني المح الضئ ..ضئ طلت محياك
.
.
.
.
.
(في مستشفى قوات الامن في الرياض الساعه 3.30 ص)

&&الحلقه الاولى&&

بصوت حنون ممزوج بعبرات واهات قال ...
عبد الله:انتي ليش تعذبيني ؟
هنادي:لا يا عبد الله لا تقول كذا
عبد الله:حرام عليك يا هنادي والله احبـــــك..
هنادي:وانا بعد احبك ..
رد عليها بعصبيه :انتي ما تحبيني لو تحبيني ما طلبتي هذا الطلب ..
قامت من السرير بتعب وهي تخفي دموعها وراحت صوب
الشباك:لأني احبك يا عبدالله طلبت منك هالطلب
قرب عبد الله صوبها وهو ماسك نفسه:انتي يا هنادي انسانه انانيه ماتفكرين الا بنفسك
لفت عليه وهي غرقانه بالدموع:لا انا مو انانيه لا تقول كذا انا عارفه انــــــــــــ

مسكت هنادي صدرها وطاحت علي الارض وهي تتنفس بصعوبه..
اما عبدالله كان يموت ميت مره وهو يشوف زوجته بهالحال
نزل عبد الله لمستواها وهو يمنع نفسه من البكي ومسكها ورجعها لسرير

هنادي وهي تتنفس بصعوبه:شفت ...شفت...يا عبد الله وشلون كنت وكيف ...صرت الحين
عبد الله وهو يمسح خدها برقه وحنيه:لا يا هنادي خلي ايمانك بالله قوي بتطلعين من المستشفي وبنصير انا وانتي وشروق احلا عائله..
ضحكته هنادي ضحكه تدل ان كلامه مستحيل يصير وصارت تبكي

عبد الله ماقدر يستحمل فضمها لصدره وهو يهديها:لا يا هنادي لا
هنادي وهي تصيح علي صدره ومتمسكه بثوبه:لا ..عبد الله هذي الكلمه خلها لك ...انت ..عبد الله ارجوك ..ارجوك ...لا تخيب ضني فيك وحقق اخر امنياتي ..
عبد الله:هنـ.....
قاطعته هنادي وهي تقول :عبد الله خلني اكمل كلام انا عارفه اني راح اموت وفي أي لحظه ..فأرجوك أرجوك تزوج حنان والله راح تسعدك وتخليك اسعد انسان في الدنيا ..
عبد الله والدموع تنزل من عينه:لا يا هنادي انا اسعد انسان معك انتي وبدونك انا متبعثر ومستحيل التم مره ثانيه
تنهدت هنادي وهي متمسكه بعبد الله..
وعبدالله كان يمسح علي راسها ..
هنادي:عبد الله
عبد الله:عيونــــــــــــه
هنادي:ممكن تقراء قران بصوتك
عبد الله:اكيد
وقام عبد الله وجاب قران وجلس علي السرير وهنادي رجعت راسها على صدره

وصار يقراء قران
بصوت كله خشوع والم
كان كل ما يمر على ايات تذكر بالموت
تزل دموعه وتطيح علي خد هنادي الي تحس بدموعه مثل الجمر يحرقها..
..
...
...
جلس يقراء بدون أي مقاطعه بس وقف وهو يسمع احلى صوت يسمعه أي انسان في هالوقت صوت
رحب يطمأن النفوس
ويذكرنا في هالزمن الرهيب
ان في ناس الي الان قلوبها مليانه ايمان واحسان

ارتفع اذان الفجر في كل مكان وختلطت اصوات المؤذنين من كل صوب
:عبد الله:صدق الله العظيم
سكر عبد الله القران وهو يحس براحه نفسيه بعد ماقرى احلا كلام واطهر الايات
طالع هنادي وهي نايمه علي صدره
فنزل راسها بهدواء وهو يطالعها
ابتسم وقرب منها
وباسها علي جبينها
ولبس شماغه
وطلع عشان يصلي في مصلى المستشفى ..

بعد ما سلم الامام وكل المصلين
طلع عبد الله لمكتبه

عبد الله يشتغل دكتور :تخصصه عمليات التجميل والخياطه
هو اكبر واحد في العائله بعد اخته عبير طبعاً

راح اكلمكم عنهم شوي
عبد الله امه متوفيه من سنين وابوه متقاعد قبل 7 سنوات من شغله
افراد العائله بالترتيب والمهن هم
1/ابو عبد الله ..رجال متقاعد فاتح له محل اقمشه في طيبه
2/عبير...37 سنه متزوجه وعندها ولدين ايمن وعصام
3/عبد الله ...35 سنه متزوج من هنادي قبل سنه ونص ويشتغل طبيب وعنده بنت وحده عمرها سنه
4/عليا...29سنه ..متزوجه وعندها بنت وحده عمرها 7 سنوات
5/عادل..عمره 25 سنه يشتغل مع عبد الله اخوه في المستشفي بس هو اختصاصه امراض الدم والبوياض واشياء ثانيه
6/عنود عمرها 18 سنه طلبه في الثانويه العامه

تلاحظون شئ ..
عبد الله

عادل

عبير

عليا

عنود

كلهم يبدون بحرف (ع)

هذا لان ابوهم ايام شبابه ومراهقته متحاد وهو وصديق له متوفي من سنين انه يسمي اولاده كلهم بحرف معين فختار حرف العين ويختم بحرف معين فختار حرف....تعرفون بعدين

انفتح باب المكتب وهو يطق
رفع عبد الله راسه وهو يشوف عادل واقف عند الباب ويطقه
ابتسم وقال:ادخل
عادل:صباح الخير
عبد الله:صباح النور
عادل:ماودك ترجع للبيت
عبد الله:لا
عادل:لا تتعب عمرك وقم يلا معي للبيت
عبد الله:انت تعبان روح لحالك
عادل قام وراح ورى عبد الله وهو يضرب كتفه بشويش:يلا يا حبيبي تعال معي وانا اوعدك اعطيك حلاوه وشكولاتات كثيــــــــــر
ضحك عبد الله:هههههه وش شايفني واحد من البزارين إلي لازم تسايسهم عشان تسحب منهم دم
عادل:ياحلو الابتسامه على محياك يا خوي
رجع عبد الله وانقلب وجهه للحزن من جديد

عادل:اوووووووووووه ترى ما اعطيك بلاونات بعد عندي كثير (وصار يعد بأصابعه)احمر واصفر واخضر وعندي بلاونات عليها تويتي وتاز و توم

ابتسم عبد الله وقام :يلا نرجع للبيت
عادل:يلا وعندي لك بشاره
عبدالله وهو قايم:قل
عادل:عمي توفيق رجع للقصيم
عبد الله وكأن حمل ثقيل انزاح منه:الحمد لله علي الاقل افتك من وج فاطمه
عادل:تصدق ماقد شفتها
عبد الله:هذا لانها ماتطلع في وجهك واذا شفتها سوت عمرها ماتدري
عادل:هههه الله يهديها
عبد الله:امين

كانوا يمشون في اسياد المستشفي وماكان فيها الا بعض الدكاتره والممرضين وعمال النظافه

مرت ممرضه ووقفها عادل بعصبيه
عادل وهو معقد حواجبه:لو سمحتي
الممرضه:نعم دكتور
عادل:من متي وانتي هنا
الممرضه:من الساعه 10 في الليل
عادل:وطول الوقت تمشين ماوقفك أي دكتور على لبسك
طالعت الممرضه نفسها بستغراب كانت محتشمه ولابسه تنوره طويله سوداء وبلوزه كم طويل وفوقها البالطو ومتنقبه
الممرضه:ليش يوقفني
عادل:على لبسك
الممرضه وهي تطالع عبد الله:دكتور فيني شئ غلط

اشر عبد الله علي جزمتها ...

عادل:ان شفتك مره ثانيه لابسه كعب بشكيك للمدير
هنا عصبت شوي:ليه وش فيها جزمتي وانا حره فيها بالله طالع نفسك اول وتكلم
عادل بغرور:وانا وش فيني
الممرضه وهي تأشر عليه:جينز وشعر منفوش بجل ولا تبغاني البس كعب
ضحك عليه اخوه عبد الله
عادل وهو يتكتف:والله انا البس الي ابغى والي ارتاح فيه بس مالابس جزمه فيها كعب تطلع اصوات مزعجه ما تريح المرضى النايمين انا اسمع صوت كعبك وانتي تطلعين الدرج فكري وقيسي المسافه يلا امشي من قدامي
راح الممرضه وهي معصبه
عادل:هيـــــــــــــــــه
حطت يدها علي خصرها وردت بعصبيه:نعــــم
عادل:الحين تقولين ان دوامك الساعه 10 كيف انتي موجوده الي الان مفروض انتي في بيتك من 12
ارتبكت الممرضه وقالت:انا مستلمه بدل وحده
عبد الله:اسمها
الممرضه:حنان حمد ال..
عادل طير عيونه:معقوله حنان الي تقرب لهنادي زوجتك
عبد الله:خلاص انتي اطلعي الحين من المستشفى لانك مسوي ازعاج في مثل هالوقت ولا ترجعين الا وانتي لابسه جزمه واطيه واذ كنتي تبغين تصيرين طويله في جزم سبورت عاليه
زادت عصبيت الممرضه وراحت من عندهم
عادل:هههه غسلنا شراعها ..ألا تتوقع ليش حنان ماجت
عبد الله:امس الساعه 9 كانت عند هنادي وهنادي قالت لها تروح عند البنات لان شروق عندهم
عادل:ولو تترك الشغل عشان شروق عندها عماتها يلعبونها ويسكتونها
عبد الله:المشكله محد يمسها ولا يقدورون يسكتونها بس هي ترتاح اكثر مع حنان عشان كذا انا قلت لها تخلي احد يستلم عنها

في بيت ابو عبد الله
قامت عنود من النوم وتسبحت ولبست لبس المدرسه ووقفت عند المرايه تحط واقي شمس

عنود وهي تكلم نفسها في المرايه:الله الله عليك يالعنود من قدك جمال ورقه وطول وعيون كبار بس آآآآآآآآآآآآه يالقهر ليش محد خطبني للحين وش فيني انا الحمد لله مافيني عيب والمشكله اغلب بنات الفصل مايوصلون جمالي ومع كذا الي مخطوبه والي محيره والي متزوجه وانا آآآآه يالقهر

راحت عنود لغرفة الضيوف وشافت حنان نايمه وجنبها شروق إلي كانت صاحيه وتلعب مع روحها

عنود وهي تبوس شروق وتلعبها :يارب يخليلي الجمال هذا الي كله وارثته من عمتك العنود
حنان وهي تفرك عينها:ايه يالواثقه بعدي عنها لا تقوم
عنود:فتحي عيونك زين البنت شكلها من زمااااان صاحيه
حنان وهي تشيل شروق وترفعها في الهوء:صباح الخير يا حلوه
اما شروق ان ترد عليهم ببتساماتها وضحكاتها

عنود:حنان وش فيك تبكين
حنان والدموع تطلع من عينها :ولا شئ
عنود :وشلون ولا شئ انا عارفه ليش تبكين
حنان وهي تحط شروق على السرير:مادامك عارفه ليه تسألين
عنود:الحين اخوات هنادي متماسكات واقوى منك ليش ماتصيرين مثلهم
حنان وهي تبكي:انتي ماتعرفين وش تعني لي هنادي ...هنادي اختي قبل ماتصير بنت خالي ..وحالها مو معجبني انا خايفه تروح من يدينا ..
عنود :اووووووووف قولي لا اله الا الله
حنان:لا اله الا الله ...متى بيوديك السواق للمدرسه
عنود:بعد ثلث ساعه يلا غسلي وانزلي افطري معي عشان اوصلك لبيتكم
حنان:وشروق
عنود:بكلم عبد الله اذا كان بيرجع بخليها واذا لا بوديها لبيت عبير او بدريه
تنهدت حنان:الله يكتب الي فيه الخير تعالي تشوفين ديما في المدرسه
عنود:ايه ليه
حنان:خلاص اذا وصلتوني لبيتنا بعطيك كتاب تبغاه لبحث او مقال ..والله مدري وش تبغى فيه
عنود:طب كلمي احد من اخوانك يجهزه عشان ما اتأخر
حنان :خلاص

وراحت حنان تغسل وصلت ركعتين دعت فيهم ان الله يشفي هنادي ويرجعها لبيتها سالمه
بعدين خذت جوالها ودقت علي ريان

(وبعد صراع طويل قام ريان معصب لان جواله مب راضي يسكت)
رد بعصبيه:خيــر
حنان:بسمه الله اناس يقولون صباح الخير وانت تنافخ
ريان:وانتي داقه عشان تقولين لي صباح الخير ..خلاص صباح النور ومع السلامه
حنان: هيه..هيه..انت وش فيك
ريان:حنان حرام عليك ابغى انام والله مانمت الا ثلاث ساعات
حنان:والله محد قال لك اسهر وانت عندك بعد شوي جامعه
ريان:اوووووووووه وانتي لازم تذكريني ان عندي جامعه
حنان:ههههههه اصحي بس بجي للبيت الحين
ريان:ومن انتي عشان استقبلك سمو اميره ولا وزيره
حنان:حتى وفيك النوم ماتترك التطنز اقول في غرفتي جنب الاب توب كتاب غلافه احمر عطه الشغاله عشان اول ما توصلني عنود تأخذه
ريان:ايه..ايه..اي اوامر ثانيه عمتي
حنان:ههههه لا يلا باي
ريان:باي

عنود:الله الله لو اننا دارين ان الاخ ريان بينور وجهك كان خليناه كل يوم يكلمك
حنان وهي تبتسم:من يقدر يجلس معه او يكلمه ولا يضحك
عنود:اما ريان اخوك يضحك بلد عكس معتز
حنان:اوف هالبارد مدري وشلون تزوج وجاب ولد
عنود:هههه انتي واخوانك تحفه الا وش اخبار سماح
حنان بضيق:ياقلبي عليها خمس سنين وهي على هالحال يا حابسه نفسها يا تتفرج على اشرطة الفديو
عند:والله حرام تعذب نفسها مع اشرطة الفديو
(طالعت الساعه)
عنود:اوف تأخرنا يلا يلا

لبسوا البنات عباياتهم وطلعوا وقابلوهم عبد الله وعادل
عادل:صباح الخير ع الحلوين
عنود وهي تمشي صوب السياره بسرعه:ايه ايه صباح النور
عبد الله:حنان
حنان:نعم
عبد الله:معليش تعبناك معنا
حنان:لا عادي (كانت بتقول شروق مثل بنتي بس سكتت)
وركبت السياره وهي تكره اليوم الي تشوف فيه عبد الله وسبب كرهها له كلام هنادي معها قبل يومين

وصلو للبيت
عنود:وين الشغاله ماقلتي لها توقف عند الباب
حنان وهي تنزل:قلت لها
دخلت حنان وهي تنادي:سان سان
الشغاله:نعم
حنان:وين الكتاب
الشعاله:وشو كتاب ماما
حنان:بابا ريان ماعطاك كتاب
الشغاله:لا بابا ريان نايم مافي قوم
حنان:اوووووووف كنت حاسه ان هالولد ماعنده فحد
ركضت وجابت الكتاب من غرفتها وعطته عنود
عنود:ليه تأخرتي
حنان وهي تتنفس بسرعه لانه جت تركض:حضرته نايم
عنود:هههه عليك اخو

بعد ساعه:
في المستشفي
غرفة هنادي ....
حنان:يلا اذا ما أكلتي اكلك كله والله بزعل عليك
هنادي:لا خلاص كلش ولا زعلك صح سجلتي المسلسلين
حنان:قبل ما اجي سجلت الدنيا لحظه بس المسلسل الثاني خلص امس وخلينا من هالخرابيط وكلي
كانت هنادي تأكل وحنان تناظر وجهها الشاحب والتعب الي باين عليها كانت تداري دموعها وتمسك نفسها وتحاول تكون قويه قدامها
هنادي:الحمد لله
حنان:صحه وعافيه
شالت حنان عنها الصينيه وحطتها ع الطاوله
هنادي:حنان
من نبرت صوتها عرفت حنان انها بتفتح موضوع عبد الله مره ثانيه لفت عليها
حنان:سمي
هنادي:تعالي اجلسي(واشرت لها تجلس علي طرف السرير ومن جلست مسكت يدها)
حنان:هنادي وش فيك
هنادي:حنان الله يخليك بنتي امانه عندك
حنان:هنادي وش هالكلام انتي بتقومين لنا وبترجعين لزوجك وبنتك
هنادي:لا تكذبين علي انا عارفه ان اللوكيما تمشي في دمي كله والموت قريب مني بس امانه يا حنان اذا خطبك عبد الله وافقي
حنان:لا والف لا هنادي انتي تعذبيني بكلامك
هنادي:واذا قلتك وافقي علي شان خاطري
وقفت حنان وراحت صوب الصينيه وشالتها:معليش عندي اشغال كثير اشوفك بعدين
وطلعت وهي مو مصدقه وشلون هنادي تطلب منها انها تتزوج عبد الله هي تعرف وشلون كانت هنادي تعشقه وتبوس التراب الي يمشي عليه وشلون الحين تسلمه لانسانه ثانيه ولا من انا انا حرام عليك يا هنادي حرام لا تعذبيني

في المدرسه:
صف ثالت ثانوي ادبي
ديما وهي تدخل تبشر البنات:بنااااااااااااااااات بشرا بشرا
*وش عندك يا ديما
*عطينا الاخبار
ديما وهي توقف فوق الكرسي:مدرسه علم الاجتماع غايبه
البنات:هييييييييييه
هديل:وناسه حصتين ورى بعض فاضين
ديما هي رافعه يدينها تدعي:الله يوفقك يا معلمتنا ويخليك لنا ذخر قول امين يا بنات
البنات:امين
(كانت ديما قائدت الفصل واي شئ تسويه الفصل كله معها )
ديما:بنات وش رايكم نلعب لعبت الحروف
*وشلون نلعبها
ديما وهي تسفط كمومها كنها بتشرح خروف:الله يسلمك اول شئ بقسم الفصل قسمين سبع بنات في اليمين وسبعه في اليسار وبنغني واخر حرف ننتهي فيه تبدون انتم فيه ونشوف من الي يخسر
*يعني مثل برنامج ليل يا عين
هديل: ايوه جبتيها وامنه الحكم
امنه وهي تحط الكتاب علي الطاوله:وليه اخترتوني انا بالذات
ديما:يا حبيبتي يا بعد طوايفي قولو امين
الفصل كله قال:امييييين
هديل تضحك لانها عارفه ان امنه ماتحب هالعبارات مثل حبيبتي وقلبي وعمري
ديما:ياعيوني وروحي انتي الحكم لانك مطوعه وماتسمعين اغاني وماتعرفين تغنين معنى
امنه وهي تمشي صوب باب الفصل ومعها كم كتاب:اروح اجلس في المكتبه واستفيد من وقتي ولا اجلس معكم ماقول الا الله يهديكم
الفصل كله:امييييييين هههههههه

في بيت ابو علي
علي:يمه بتزورين هنادي اليوم
ام علي:اكيد ياوليدي
ابو علي:الا وش اخبارها
على:احسن من اول
ابو علي:الحمد لله
(كان علي يخفف عن ابوه الي كان متضايق ويبغى يزور بنته بس مايقدر بحكم انه معاق ومايقدر يمشي)

دخلت عليهم بدريه: السلام عليكم
الكل:وعليكم السلام
ابو علي:من وين جايه
بدريه:رحت اشوف سماح
ام علي:ياقلبي علي بنت اختي وش اخبارها
بدريه:حالها ما يتغير جيت اخذ لها من البندول اليلي عشان تقدر تنام من امس ما نامت
علي:مسكينه بنت خالتي من طلقها زوجها وهي علي هالحال
بدريه:الله يعينها

راحت بدريه واخذت بندول من غرفتها وطلعت هي لافه طرحه عليها كان بيتهم وبيت خالتهم في سور واحد بس يفصل بينهم جدار فيه باب

دخلت بدريه وشافت ريان واقف بري وكان ماسك في يده شريط رماه على الارض وكسره وصار يوطا عليه

بدريه:ريان وش قاعد تسوي
ريان:الحقير النذل الى متى وهو يعذب سماح
بدريه:شريط ثاني
ريان:ايه ..
بدريه:هذى ثالث شريط نكسره وسماح ماسلمت من اسألتها كل مره تقول لي غريبه طلال ما ارسل شريط
ريان:مسكينه تبغى تشوف بنتها بس لو ايش ماراح اخليها تشوف الاشرطه ان شافتها تفتح مناحه
بدريه:الله يرحم حالها ..بتروح الجامعه
ريان:ياربي متى اتخرج وافتك
بدريه:هونها وتهون
ريان:الا مالقيتي لك وظيفه
بدريه:لا
ريان:والله قهر مامليتي سنتين في البيت
بدريه:عادي وش فيها والا تغار لاني مرتاحه
ريان:ههههه هنا انتي صادقه تدرين يا بنت خالتي عندي لك حل
بدريه:علي يدك قول
ريان:بزوجك
بدريه:هههههه يلا بس رح للجامعه تأخرت علي اختك
ريان:ههههه باي
بدريه:باي

.
شفت موتي وانا حــــــــــــــي
والسبب هم فرقـــــــــــــــاك
ارفق بحالي شــــــــــــوي
قلبي ماطاع يســـــــــــــلا
اطلبك دامني حي تحفظه لي ويفداك
خلني المح الضئ ..ضئ طلت محياك
.
جميل يا نور وكل سنه وانت طيبه

» قلبي عند حبيبي
» حوار مؤلم يوم فرح حبيبها, قد انسا جرحك يوما حبيبي (من سذاجتى مازلت اقول حبيبي)
» كلماتي شعرا
» ((كيف لك قلب تنساني))
» و قالت سوف تنساني