يوميــــــاتنـــــــــــــــــــــــا 2010

الموضوع جميل جدا يا ادمين
بما ان اليوم حلص فانا اوعدك اول لما انام و اصحا و اروح المدرسه اول لما ارجع هاحكيلكوا عملت ايه اوكي

اوك

جميل جدا موضوع اليوميات ده بس علي كده ده ميتكتبش الا بالليل بعد انتهاء اليوم او اليوم التاني نكتب يوميه امبارح موضوع جميل شكرا

انا نمت و صحيت و جيت اهو احكيلكم بقا

اليوم الموافق 2/5/2010
كل سنه و كل العمال طيبين اولا عشان عيد العمال كان امبارح
النهاردة صحيت بدري غسلت وشي و لبست اليونيفورم بتاع المدرسه و نزلت و روحت المدرسه وصلت المدرسه متأخر كالعادة لاني مش بحب احضر الطابور بتاع الصبح دة فبنزل متأخر شويه من البيت
المهم طلعت ع الحصه على طول كان عليا اول حصتين ميس عفاف بتاعت الانجليزي شرحت درسين و كان المفروض ان احنا بنمتحن امتحانات التقويم التاني
المفروض ان احنا بنمتحن الحصه التالته و الرابعه امتحنا النهاردة الحصه التانيه و التالته
كان عندى امتحان علوم الامتحان كان زباله اساسا و مايتحلش بس الحمد لله يعني عرفت اجاوب فيه و كان فاضلي فيه حجات بسيطه جدا و عرفتها في الاخر و الحمد لله يعني حليت كويس و بعدين اعدنا الحصه الرابعه كان عليا دراسات مستر جمال احنا مخلصين المنهج و هو اعد راجع معانا الدرس الاول في الوحدة الاولي في الجغرافيا و بعدين جت الفسحه نزلت انا و اصحابي و اعدنا نرغي كالعادة اكيد رغينا كان ع الامتحان الزباله اللي جه هما برضو الحمد لله حلو كويس بس عشان هما مش معااي في نفس الفصل فأنا ماعرفش ان كانوا حلوا كويس و لا لا انا سألتهم و بس
و بعد الفسحه كان عندى دين ميس جيهان جت و امتحنا امتحان الدين كان سهل جداااااا
و شرحت اخر درسين في المنهج و هما غزوة خيبر و فتح مكه و كدة خلصنا منهج الدين الحمد لله
حصتين الدين كانوا الخامسه و السادسه
جيت الحصه السابعه و التامنه كان عندى رسم المس دخلت طلبت مننا اننا نرسم موضوع عن قاع البحار ولاني مش بعرف ارسم حلو اوي يعني فرسمت سمك كدة شكله غريب و شويه زرع من اللي بيبقا في الميه دة و عجب الميس و اخدته و الحمد لله و الحصتين خلصوا و انا روحت امبارح انا كنت نايمه الساعه 3 باليل و صاحيه من بدري
جيت غيرت هدومي و ع السرير جررررررررررري نمت من الساعه 4 لحد الساعه 8 ماقلقتش ولا ثانيه الحمد لله
صحيت اول ماصحيت لقيت امي بتقولي انزلي عشان اجيب حجات من تحت نزلت و جبتلها اللي هي عوزاه طلعت اتفرجت على المسلسل التركي نور و اخيرا جييييييييت اهو عشان احكيلكم اللي حصل معايا النهاردة
ودة كان يومي يارب ماكونش طولت عليكوا و اليوم يكون عجبكوا
مع تحياتي
TOTAA

جميل اوى
بس هابدا بقا من اول الاجازة

تسلمى ياا ادمين على الموضوع الجميل ده
6/5/2010 اليوم

صحيت الساعه 9.30 مرحتش المدرسه
ذكرت شويه وبعد كده فطرت
وزكرت تانى ورحت الدرس
جيت اتفرجت على التليفزيون شويه
اتغديت اتفرجت على المسلسل
زكرت حتى 11 بليل واتعشيت
وجيت احكلكو وهعد شويه فى المنتدى وهقوم انام
وبس

يارب مكون طولت

موضوع جميل
بس يومي كان طويل جدا ومزحوم

موضوع جميل أوى يا أدمين 21/5/2010

اناهأحكى يومى بتاع امبارح بما إن النهاردة لسه مخلصش/
امبارح كان آخر يوم فى امتحاناتى وكان الإمتحان صعب شوية يعنى بس الحمد لله حليت فيه كويس وطلعت من الإمتحان ورحت أنا وصحبتى مدرستنا{مدرستى بتاع ابتدائى }وسلمنا على أبلوتنا وبعد كده روحت البيت وبعدين اتفرجت على المسلسل وبعد كده قعدت على المنتدى شوية وبعد كده رحت لنينة أنا وماما وكانت هناك خالتى وقعدنا لحد بعد العشا{فاضيه بقى} وروحنا بعد كده واتفرجت على المسلسل أنا ومامتى ونمت وبسسسسسسسسسسسسسسس..

يارب مكونش طولت عليكو...

سلاااااااااااااااااااام

اليوم 12 يونيو2010
بداية اليوم كالعاده الساعه 6.50ضرب المنبه صحيت جري كالعاده عسلت وشي وفتحت الجهاز لعبت ترافيان لمدة دقائق معدوده الساعه 7.10كنت خارج من البيت كالعاده بدون فطارشغلت عربيتي جمعت عمالي راحت السويس اديتهم اوامر الشغل بعدين نزلت السوق جبت فطار جيت جمعت الناس وجلسنا ناكل طبعا انا من محافظة اكتوبر او تحديدا من الوراق فعشان اجلس دا كله من غير فطار كنت منهك من التعب فكالعاده ولعت سجاره وشربت القهوا وقمت اشرفت شويه علي العمال ورحت قايم نايم لحد الظهر وبغعدين قمت نزلت القاهره السبتيه بالتحديد جبت بضاعة شغل في المعادي ورجعت علي البيت علي طول فتحت جهازي جلست امامه بدون ما افكر في الاكل طبعا عشامن ما كنش حد متواجد في البيت لحد ما جم وعملولي الاكل اتعشيت رحت القهوا سهرة الي الساعه الثالثه صباحا نمت صحيت 6.50 جمعت راجلتي ككل يوم وجييينا نمشي اتصل المهندس وقال محمد لو سمحت انا اليوم مشغول جدا ومش هقدر اجي الشغل روح خلص شغلك وابقا تعالي لي المكتب باليل انا قلت لا مش رايح الشغل النهارده بكره وعليك خير باه يا باش مهندس حد يعرف ليه انا قلت له كده الي يعرف يجاوبني بسرعه ولا اقول لكم لا تتعبوا انفسكم انا اقول دا مهندس يعشق الفلوس انا لو رحت النهارده فدا اخر يوم في الشغل لازم اخلص حسابي هو عايز يهرب فلما اروح له المكتب هيكون هو مش موجود كالعاده اما لما اجلس يوم من الشغل واضمن فلوسي احن لي ايه رايكم المهم لو في سباك قراء الموضوع ومحتاج شغل انا جاهز شغله عندي بيوميات مجزيه سلام

30يونيو 2010
صحيت الساعه 12الظهر رتبت السرير الى كنت نايمه عليه
وغسلت وشى وروشت نفسى
وبعد كده
اتغديت واتفرجت على التليفزيون بعد كده خالو جه اعد معاه شويه وبعد كده جيت ليكو
بس

يومي بيخلص بسرعه مليان بالاحداث اكيد مش عاوزة اقولكم وحشتوني ازاي
صحيت الصبح ورحت المدلرسة وكان يوم عجيب اتخانقت مع الموجه والحمد لله كنت ع صواب
ودخلت للمدير وهبدا شغل من بكرة
ادعولي بقي رجعت قولت هنام والحمد لله منمتش وبعديها قومت وفطرت الحمد لله متاخر جدا ع 5.30 تقريبا اجدع كوبايه شاي بلبن
بعد كده قعد ارخم ع نور وبوسي وقعدت ع الفيس
وبعدها نزلت ورجعت ودلوقتي معاكم

جميل احداث رمضانيه را ئعه

صحيت الصبح الساعه 2 اعت ىاقرا قران شويه بعد كده اتفرجت على التليفزيون شويه بعد كده فطرت وبعد كده قرات بردو قران وبعد كه اتفرجت على رامز حول العالم وبعد كده اعت على النت وكلمت صحابى من الميل وبعد كده جيت هنا وبس

انا طالبة في كلية الحقوق بسوريا راح احكيلكن اليوم شو عملت انا بقى صحيت الساعة 9 ورحت الكلية كان عنا محاضرة جدا بتزهق اسما احوال شخصية بس انا بحبها كتير اعد الدكتور بيسالنا اسئلة وكنت انا بجاوب عليهم ورفقاتي طبعا بعدا عطانا استراحة برك ربع ساعة ورجعنا بس تاخرنا لانو كنا بالكفتيريا خلصنا المحاضرة ورجعنا اعدنا بالكفتيريا بنحكي شوي كانو حاطيلنا اغاني كتير حلوة وبعدا رجعنا على البيت اكلت ونمت وفقت بعدا واجتنا ستي وجدي وتسلينا شوي وانبسطنا لانو انا بحبهم كتير وبعدا راحو من عدنا اعدنا انا وابي وماما واخواتي وتعشينا وكنا عم نحضر مسلسل حلو كتير وبعدا فتت على المنتدى وهيك وبس

شكرا يا ادمين على الموضوع الجامد دة

يعطيك العافية

ازيكو يا أحلى أعضاء أنا بقى نفس اليوميات بتحصلى كللللللل يوم لما زهقت

أنا هحكى على امبارح صحيت الصبح الساعة 6:30 ورغسلت وشى ولبست هدومى ورحت المدرسة ووقفت فى الطابور وكان هيجيلى ضربة شمس بس الحمد لله لحقونى وطلعنا الفصول وأول فترة والتانيه أخدناها بس التلت حصص الأخرنيين مخدنهمش علشان الجودة جايلناالله يخربيت اليوم اللى خدناها فيه قولوا آآآآمين هههههه ولازم نزين الفصل وطبعا لازم كل الفصل يعمل بعد كده روحت وأنا كنت خلااااااص فصلت شحن خاالص ولازم بعد كل ده طبعا آخد دش ورحت الدرس وروحت لنينتى ولعبت مع رغد بنت خالى شويه واتفرجت على المسلسل ونممممممممممممت وبسسسسسسسسس ده اللى حصل..

يا رب مكونش طولت عليكو ......
سلااااااااااام

انا يومي غريبه والله عجيب كله تعب وشغل اكيد
بس بجد كلكم وحشتوني ووحشني المنتدي جدا
عاوزة اشوف شغل احلي ناس

باذن الله هابقى احكيلكم عن اليوم بتاعى بكرة

إن شاء اللهراح نسألك شنو سويتي
بس نامي عدل
ولما ترجعي من المدرسة
راح نشألك
مع تحيات
أمولة المزيونة
باييي

مشكورة على المواضيع

يسلمووووووووووووو