تذكير بمساهمة فاتح الموضوع :
بسم الله الرحمن الرحيم
طبعا دا موضوع مهم جداااا وبتختلف الاراء ما بين مؤيد ومعارض
يا ترى هى البنت مش من حقها تدخل نت زيها زى اى ولد؟؟!!...ليه فيه ناس لسه تفكيرها راجعى ومتأخر
تقولك البنت اللى تدخل نت تبقى مش كويسه الله اعلم بتعمل ايه صح انت عندك حق بس مش انت اللى تحاسبها
من ناحية تانيه تلاقى الشباب اهم حاجه عندهم يعرفو بنات كتير ويبقى ليهم سكور عالى ورصيد متزايد بيتباهو بيه ولكـــــــــــــــــــــــــن ممنوع منعا تاما اشوف اختى داخله نت والا هاخدها على اقرب جزار
ليه الفكره الوحشه دى لسه الدنيا فيها بنات ناس كويسين مش ذنبهم انك حظك مهبب وبتتكعبل مع بنات ولا مؤاخذه يعنى .........ولا بلاش ربنا يستر علينا احنا ولايا بردو
نقطه تانيه بقى ومهمه جدااا فيه لسه ولاد فاكرين ان بنات اليومين دولا بينضحك عليهم بالكلام المعسول والله اللى يفتكر ان دماغ اى بنت فاضيه وتافهه وسهل الوصول ليها يبقى يستاهل اللى يجرالو لانها هتديلو درس يفوقو
اكتر حاجه تكرهها البنت ان حد يفتكرها غبيه اصحوااا يا جدعااان دولا بنات حوا .....ان كيدهن عظيم
على فكره انا مش بخوفكو ولا عشان انا بنت فبدافع عنهم لالالالالا لكن الموضوع بصراحه استفزنى ومحدش يقول الحسنه بتخص والسيئه بتعم لان انا مش شايفه ان فيه حسنات اصلا اليومين دولا واختلط الصالح بالطالح والولاد مش بيثقوا فأى بنت من اللى بيشوفوه من البنات اياها فاهمين طبعا اقصد مين ما علينا لكن القلوب الطيبه بتتلاقى وكل واحد ونيته بقى
واتمنى بجد نراعى ربنا فتعاملاتنا مع الناس سواء كانو بنات او شباب
وخلى بالك دايما
دااااااااااااااايــــــــــن تــــــــــــــدااااااااااااااان
يعنى اعمل اللى انت عايزو اكدب واضحك على غيرك واغتاب غيرك ونم عليه وسىء الظن بغيرك
لان هيتعمل فيك كل دا . كاس ومسيرك تشرب منه ..ربك يمهل ولا يهمل
سورى انى طولت عليكووو انا عارفه انى مقدرتش اغطى كل جوانب الموضوع لكن من خلال ارئكم وتعليقاتكم هنفتح المجال ونتحاور بشكل حضارى من غير تعصب عشان نستفيد
