بسم الله الرحمن الرحيم ، وبه نستعين وصلى اللهم على خير الذاكرين والشاكرين محمدا صلى الله عليه وسلم ... أما بعد
تخيل لو أنت فى كلية معينه ، وفى ماده بتدرسها وفاضل على الامتحان أسبوع ، والماده دى ملهاش كتاب ولا مذكرة ولا أى حاجه ، وأنت وباقى دفعتك محتاسين ومش عارفين تعملوا إيه فى الماده دى ، وفى لحظة ما قابلك واحد أكبر منك وأعطاك مذكرة فيها الخلاصه اللى هتخليك ان شاء الله تنجح وبتقدير ، يترى هتعمل ايه ؟؟؟هتذاكر لوحدك وتكون أنانى وتنسى فضل ربنا عليك، ولا هتقول لدفعتك عنها وتخليهم يصوروها لأنهم محتاجين لطوق النجاة...
أحنا كده ... كتير مننا ربنا كرمه وهداه وعرفه حاجات كتير عنه ، حتى ولو كان لسه بيعملوا ذنوب معينه ، بس هو احسن من غيرة ، والناس اللى من حولك عاملين زى الطلبه اللى مش معاهم المذكرة اللى بمثابة طوق النجاة واللى هى بإختصار الهداية
اللهم أهدنا وأهدى بنا وأجعلنا سببا لمن أهتدى
الدعوة الى الله ، يا جماعه أكتر حاجه محتاجينها والله هى دعوة الناس لربنا ، لأن مفيش نصر طول ما احنا لسه بعاد أوى عن ربنا ، تخيل كام واحد حالا بيقع فى جريمة زنى ،
وكام واحد حالا بيشرب مخدرات ، وكام واحد حالا ماسك سيجارة فى إيده ، وكام واحده ماشية بلبس لا يرضى الله ولا رسوله ، وكام حرامى وكام نصاب وكام مجرم وكام وكام وكام ... يا جماعه ربنا نزلنا الدين عشان يخلينا نعرف نحكم نفسنا وشهواتنا ونمشى فى الحياه من غير ما نضر نفسنا ولا غيرنا ... ومفيش نصر ولا سعاده طول ما أحنا لسه الدين بالنسبه لنا ماده كنا بناخدها وأحنا صغيرين وكمان مكنتش بتضاف للمجموع.
كلمة قالها واحد صاحبى ربنا يباركله يارب ، قال أن حياة المومن جزئين ، الجزء الاول هو إنه يعرف ربنا ويعرف الحلال والحرام ويتوب لربنا ، والجزء التانى هو العمل والدعوة الى الله .. ودى من أكبر عوامل التبيت لشخص الداعيه
نريد قائدا ...
إيه رأيك تكون من أحسن الناس قولا وبشهادة مين ؟ بشهادة ربنا
((وَمَنْ أَحْسَنُ قَوْلاً مِّمَّن دَعَا إِلَى اللَّهِ وَعَمِلَ صَالِحاً وَقَالَ إِنَّنِي مِنَ الْمُسْلِمِينَ }فصلت33
تخيل كده تكون من الذين يكملون مسيرة الانبياء والرسل .... تخيل كده تكون من اللى بيحبوا ربنا بجد ، لأن اللى بيحب حد بيتكلم عنه دايما ، زى اللى بيحب الكورة حياته كلها بيتكلم عن الكورة ، واللى بيحب واحده طول الوقت يا بيتكلم عنها يا معاها يا بيفكر فيها ، أما اللى بيحبوا ربنا هما دول اللى طول الوقت بيتكلموا عنه طول الوقت بيحببوا فيه خلقه ،
اللهم أرزقنا حبك وحب من أحبك وحب كل عملا يقربنا لحبك
سيدنا محمد صلى الله عليه وسلم فى بداية دعوته لما عرضوا عليه قريش من المال والجاه حتى يترك هذا الدين قالهم أنا مش عايز حاجه غير إنكم تخلوا بينى وبين الناس...
يا جماعه شباب كتير بتشرب المخدرات وكل يوم عددهم بيزيد ، وكتير منهم بقوا دعاه للمخدرات ، وبنات كتير وقعوا فى الحب الحرام وبقوا دعاه للغرام ، ومخرجين كتير بقوا دعاه للفجور والضلال ، وبنات كتير بتنتهك عذريتهم يوم بعد يوم ، وكل ده بسبب غياب الدعوة الى الله
.... يا جماعه فى كل يوم 120ألف واحد بيموتوا على الكفر فى العالم ، وأحنا قاعدين ولا فى دماغنا ... إزاى بس وربنا قال فينا
((كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّه ))
ابن القيم قال مقوله جميلة أوى قال : الدعوة إلى الله أفضل من الجهاد فى سبيل الله ، لأن الجهاد فتح للبلاد أما الدعوة فتح للقلوب...
كفايه كلام ... طيب نعمل ايه ؟؟؟
1.أتكلم عن ربنا مع اهل بيتك واصحابك وكل اللى تعرفه ، وأتكلم فى اللى انت تعرفه زى اهمية الصلاه وحرمة المخدرات والتدخين والعلاقات الحرام ، ومتتكلمش
فى حاجه انت متعرفهاش
2.أسمع خطب ودروس وحاول تلخصها فى نقط معينه ، وكل ما تلخص واحده ، كلم
بيها كل اللى تعرفه واللى متعرفهوش لو عرفت
3.لو كنت مش بتعرف خالص تتكلم ، أشترى كتيبات أو سيديهات أو شرايط أسلاميه ووزعها
4.لو تقدر تعمل جروب اسلامى على الفيس بوك ، مع إنى باعتبر الفيس بوك ده من
أكبر العوامل اللى ممكن تأثر عليك بالسلب
5.أبعت رسايل لأصحابك فيها أية قرئانية تحذر من النار أو حديث بيحرم الأغانى أو التبرج أو المخدرات
6.أبحث دائما على صحبة أصحاب متديينين وعندهم همه عاليه ، ولو معرفتش صلى فى المسجد وبص حواليك ولو لقيت واحد تظن فيه بالخير فوم وسلم عليه وقوله أنا عايز اتعرف عليك فالله ومتتكسفش ، روح أتعلم تجويد والناس اللى هيكون معاك هيبقوا اصحابك ان شاء الله
7.واظب على قيام الليل ، وأدعى ربنا دايما إنه يرزقك الاخلاص ويهديك ويجعلك سبب لهداية الناس
8.أصبر وأستحمل وميهمكش أى إستهزاء أو سخريه من أى حد ، وإن شاء الله ربنا هيجعلك من عباده المخلصين
((وَجَعَلْنَا مِنْهُمْ أَئِمَّةً يَهْدُونَ بِأَمْرِنَا لَمَّا صَبَرُوا وَكَانُوا بِآيَاتِنَا يُوقِنُونَ }السجدة24
9.العلم الشرعى ، لازم تفكر دايما إنك تتعلم العلم الشرعى لأن ده هيكون بمثابة الطاقة الروحيه اللى هتثبتك على الطريق ، وياريت تسمع أصول الالتزام للشيخ محمد حسين يعقوب
10.البنات ، شدوا حيلكم شويه بالله عليكم ، بس مع البنات اللى زيكم ، والولاد يدعوا الولاد، مش عايزين يا جماعه نخلط الامر ، يا بنات والله الشباب بتتقطع من جواها بسبب لبس البنات وتصرفاتهم فبالله عليكى أرتقى شويه بتفكيرك وخلى هدفك هو إنك تكونى سبب فى هدايه بنات المسلمين جميعا ، وعلى قد همك على الدين على قد ما ربنا هيفتح على إيديكى
اللهم إجعلنا ممن يستمعون القول فيتبعون أحسنه ، اللهم أهدنا وأهدى بنا وأجعلنا سببا لمن إهتدى ، اللهم ارزقنا الاخلاص فى القول والفعل والعمل ، اللهم إنى أعوز
بك أن أذكرهم بك وأنساك
وصلى اللهم على محمد وعلى أله وصحبه وسلم وأخر دعوانا أن الحمد لله رب العالمين
منقول
