كيف تجبرين نفسك على ان تحبى عيوب زوجك ؟

أولا الموضوع منقول وهو موضوع جميل جداا لكل زوجة وكل زوج كمان وان شاء الله الكل يستفيد منه

تعالى بقى يا ستى وفتحى مخك معايا كويس
لو عايزة تعرفى بجد ازاى تجبرى نفسك تحبى عيوب جوزك؟؟
هاتى ورقة وقلم وتعالى
اعملى جدول من اربع خانات بالطول
واكتبى فى اول خانة
مميزات جوزى
واكتبى فى الخانة التانية
عيوب جوزى
والخانة التالتة بقى اكتبى فيها
مميزاتى
والخانة الرابعة
عيوبى
بس حاولى انك تكونى صادقة تماما مع نفسك وانتى بتتكلمى على عيوب جوزك ومميزاته وعلى عيوبك ومميزاتك واوعى اوعى اوعى تفتكرى مميزات الراجل وعيوبه وانتوا متخانقين او زعلانين
اصل بينى وبينكو كده
الست لما بتكون زعلانة مع جوزها بتطلع القطط الفاطسة فيه هههههه

تعالى بقى نملى الجدول بتاعنا
اول خانة وهى مميزات جوزك
باكد عليكو يا بنات تبقوا صادقين مع نفسكم
وتملو الجدول بأمانة
1. بيحبك
2. حنين عليكى
3. مش حارمك من حاجة
4. مبيقدرش على زعلك
5. بيخاف عليكى
6. بيحميكى من اى حاجة
7. كريم
8.بيعامل اهلك باحترام
9. لو عييتى( بعد الشر عنك) بتحسى بخوفه عليكى وحبه ليكى ويفضل معاكى لحد ما تخفى
10.بار باهله
11. محترم
....
....
وهكذا وممكن تزودى من عندك مميزات شيفاها فى جوزك

وبعدين املى خانه عيوبه وبرضه حاولى تكونى صادقة لو سمحتى
1. مش رومانسى (ماتقلقيش معظمهم كده)
2. قليل الكلام(احسن يا شيخة هى يعنى ناقصة دوشة)
3. قليل الذوق شويه
4. مش بيصالحك على طول(ده تقل يا بنتى)
5. عنده شويه برود اعصاب مالهومش لازمة
6. مش بيغير عليكى(يا حبيبتى دى ثقة)

وهكذا

وان شاء الله هتلاقى مميزاته اكتر من عيوبه بكتير
وساعتها هترتاحى وهتقولى الحمد لله
ولو لقيتى عيوبه اكتر من مميزاته ولقيتى نفسك هتكتئبى
يبقى تعالى بقى املى خانة مميزاتك وعيوبك
ويا ريت تبدأى بعيوبك الاول علشان تعذرى الراجل الغلبان اللى متجوزك هههههه

نبدا بالعيوب
1. عصبية شوية ولا قوى
2. عاملة البيت ساحة معارك بينك وبين العيال
3. اهملتى جوزك شوية بسبب العيال والمذاكرة
4. اهملتى نفسك وشكلك
5. ما بتوفريش لجوزك الهدوء فى البيت بسبب العيال القرود اللى فاكرين نفسهم بيتنططوا فى الغابة
.......
........
كملى عيوبك وما تتكسفيش (وكل واحده عارفة عيوبها كويس جداا)

نيجى بقى لمميزاتك
بس خلى بالك
انتى ممكن تكونى فاكرة ان عندك ميزة تكون بالنسبة لجوزك اكبر عيب منغص عليه عيشته

تعالى يا حبيبتى نحط رجل على رجل ونكتب مميزاتنا
1. طيبة
2. حنينة
3. رقيقة ورومانسية
4. ام بمعنى الكلمة
5. بتعاملى اهله زى اهلك
6. طباخة , ومدرسة للعيال , وشغالة ببلاش فى البيت , ومكوجية, وبتحلى محل غسالة الاطباق,(كل ده بالنسبة له ولا حاجة لان فى وجهة نظره هو ده دورك الطبيعى فى الحياة)
.....
........
كملى انتى بقى

هاه
ايه الاخبار
لقيتى مميزات مين اكتر من مين وعيوب مين اكتر من مين

كيف تجبرين نفسك على ان تحبى عيوب زوجك ؟ Flash

كيف تجبرين نفسك على ان تحبى عيوب زوجك ؟ Flash

تعالى بقى بعد كل ده واسألى نفسك سؤالين

بتحبى جوزك ولا لأ؟
تقدرى تستغنى عنه مهما كانت عيوبه؟

ولو كانت اجابتك انك بتموتى فيه وانك عايشة فى الدنيا علشان هو فيها وما تقدريش تستغنى عنه ابدا مهما عمل

يبقى احمدى ربنا على النعمة اللى انتى فيها وروحى يا بنتى اتأسفيله
ابقوا ادعوا لى بعدها بقى

منقول وطبعا لازم الصدق كيف تجبرين نفسك على ان تحبى عيوب زوجك ؟ SugarwareZ-220

كيف تجبرين نفسك على ان تحبى عيوب زوجك ؟ SugarwareZ-220

والله موضوع جاااامد اخر حاجة
تسلم ايدك يا نوسه

تسلمى يا بطة

تسلمى يا بطة

شكرا يا وزه
هههههههههههههههههههههههههههههههههههههههههههههههه

هههههههههههههههههههههههه

كدة ممكن نتعدى

ههههههههههههههههههه جاامد جداا يا يسراااا

ميرسى يا دودو

» الازمات القلبية قد تنتاب المراهقين حتى بدون عيوب
» هل تحب البنت الجريئة ام الخجولة ؟ / وهل تحبى الشاب الجرئ ام الخجول ؟
» كيف تحافظين على زوجك
» زوجك كنز بين ايديك
» فن الاتيكيت...مع زوجك