فكرك ثم قلمك ثم هديتك لما قدمت

ازيكم يا أحلي أعضاء ، والله منورين

النهاردة فكرت في مسابقة هانتعرف فيها علي بعض أكتر وأكتر

المسابقة عبارة عن حاجات كتير ، وأدواتك فيها عشان تكسب الهديه هما " فكرك وقلمك "

المسابقة متجدده من حيث الموضوع اللي هانتكلم فيه ، واللي هيقام عليه الهديه الاولي .

مسابقتنا الاولي هي :

رؤيتك في المنتدي من حيث " الأعضاء ، المواضيع اللي موجوده ووجهة نظرك فيها ، سلبيات المنتدي أن وجد ، ميزة المنتدي "

القوانين :

1 - ممنوع عضو يرد علي عضو اخر في الموضوع أو يتناقش معاه من حيث رؤيته ، وده بسبب وجود لجنه قائمة علي المسابقه

واللي هاتقوم بتمييز فكر وقلم العضو .. ده أولا ، وثانيا منعا من الخروج عن دائرة المسابقة .

2 - التركيز الكامل أثناء الكتابه ، والتدقيق الأملائي ، ومراجعة نصك كاملا من حيث التنسيق ، نوعية الخط ، اللون .. حتي يتم

رؤيته بشكل صحيح ، ونقول ما لك ، وما عليك .

* ملحوظة / أنت غير مقيد في عدد السطور .. فتكلم كما تشاء ، وأكتب كما يحلو لك .. فأنت غير مقيد

- مسابقتنا متجدده من حيث الموضوعات اللي هانتكلم فيها ، وطبعا الجوائز أيضا متجدده

والهديه الأولي في المسابقة الأولي هي :

* قصيدة للعضو صاحب الفكر والقلم المميز باللغة العامية ، وستبني القصيدة علي نشاط وقوة ماطرح عضونا الفائز .

بتمني حظ سعيد لكل عضو هايشترك معانا في المسابقة ، وبتمني التفاعل الفعال من أعضاء منتدانا الحبيب والجميل .

منتظر أولي المتسابقين معنا .

حظ موفق

إعداد وإخراج

علامة استقهام

يا جامد انت يا جامد
والله فكرة جامدة اخر حاجة و انا اول حد هايشارك

ومعانا اول صدي لمسابقتنا من البنوتة الشقية والجميلة " توتا "

طبعا سعيد بوجودك معايا في المسابقة كمشتركة ماهره

ومنتظر رؤيتك في موضوع مسابقتنا النهارده ، وعاوزك تقولي كل اللي في نفسك .. لأن في عدد كبير هايشوف رأيك الجميل

وقلمك اللي هايسعدنا بكل شئ هايكتبه .

ومن ناحيتي اكيد هتابعك ورأيك يهمني جدا .. بس ماقدر اوعدك بالجايزة الا لما اشوف قوة الكلمة منك ، ورأيك الصريح والواضح

نورتيني ياقمر ، ومنتظرك بقوة ماتحملية من ابداع

ودي وتقديري

رؤيتي للمنتدى من حيث الاعضاء:ناس طيبين اوي و بيحبوا بعضهم بصدق مش غش ولا خداع و انا بحبهم كلللللللهم و المنتدى دة بيتي التاني

وجهة نظري في مواضيع المنتدى:بصراحة و بدون زعل فيه مواضيع بتعجني جدا جدا و في مواضيع لا بس المواضيع اللي مش بتعجبني بدخل و بشارك فيها برضوا لان اختلاف الرأي لا يفسد للود قضيه

سلبيات المنتدى :لما الاعضاء بتزعل مع بعضه في الشات ممكن تعد بالشهر ماتكلمش بعض و في اعضاء لما بتزعل من حد في الشات مش بتدخل المنتدى تاني دي الحاجة السلبيه الوحيدة في المنتدى و اللي نفسي تتغير

ميزة المنتدى:هناك عد ميزات في منتدى الفراشات و اهم ميزة فيه اعضاءه من ساعة ما اشتركت في ذلك المنتدى و انا مازعلتش مع عضو ولا اتشاكلت معاه ولا اي حاجة خالص و لانهم بصراحة اعضاء محترمين جدا و انا بحبهم كلهم
و ثاني ميزة المواضيع هناك مواضيع بناءة و مهمه و ناخذ منها عبرة و حكمه و تفيد فيما بعد
ثالثا الجراءة هناك بعض المواضيع هنا تتميز بالجراءة و اللي بيعجبني في المواضيع دي جرأة ناشر الموضوع و عدم خوفه من اي شئ
كفايه كدة بقا
و اسفه لاني طولت عليكوا بس معلش بقا يعني انا زي اختكوا برضوا
و اتمني ان تكون اجابتي واضحة و تعجب الاستاذ المخرج و المعد و المزيع
و شكراااااااااااااااا

انا كدة يا احمد قولت كل اللي في نفسي و مش كدبت في حرف
يارب بقا نفوز بالجائزة

مش قولتلك هتابعك ..

توتا

بجد برحب بيكي في المسابقة ، وعاوز اقولك ان رؤيتك فيها حاجات كتير جميلة ، وده بالفعل قربك من الجايزة .. بس طبعا لازم

نشوف باقي المتسابقين معانا ، ونتعرف علي رؤيتهم .. عشان نقدر نحكم ونتعرف علي الفرق بين كل متسابق ومتسابق من حيث رؤيته

توتا .. نورتيني

ورؤيتك علي مائدة القائمين

حظ موفق

اولا ميرسي ع المتابعة
ثانيا اكيد لازم نشوف الباقي
ثالثا دة نورك و نور مواضيعك

رؤيتك في المنتدي من حيث " الأعضاء ، المواضيع اللي موجوده ووجهة نظرك فيها ، سلبيات المنتدي أن وجد ، ميزة المنتدي "
الاعضاء -----اجمل ناس بلدنيا
المواضيع---- اغلبه مواضيع ممتازه
بس كمان المزعج ان في مواضيع معاده
وهذا يسبب اولا الملل وثانيا في الوقوع باحراج مع العضو الي يقدم الموضوع مسبقا
واتمنى على الاداره تخصص قسم خاص بلمواضيع المعاده

سلبيات المنتدى--------- لوحة التحكم بلخط مهما عملت الخط صغير

ميزة المنتدى ---------اكيد الادمن والاعضاء وشفافية المنتدى

شكرا احمد موضوع مميز وطرح جديد

برحب بالصديقه الغالية / ايمي

وسعيد بجميع ما كتبت حول النقاط التي تدور حولها مسابقتنا ، وبالتالي أصبحت رؤيتها تحت قيد المناقشة .. كما خالص الشكر والتقدير

لكل من يشارك معنا في هذه المسابقة ويتقدم برؤيته الوفية حول ما يمت منتدانا .

كل الشكر والتقدير للرقيقه / ايمي .. علي حسن متابعتها اولا ، وثانيا لروعة الحضور .

تحياتي ووافر أحتراماتي

ومازلنا تحت قيد نتظار باقي الأعضاء

اولا يا احمد المسابقة حلووة اووووى انا بحيك عليها وانا هشترك معاك كتالت متسابقة فى المسابقة دى

رؤيتى للاعضاء فى الحقيقة انهم فعلا وبدون اى مجاملات شخصيات محترمة جدااا واسعدنى معرفتهم كتيير لانى انا بلاقى نفسى وروحى معاهم بجانب طبعا الاستفادة من خبرة كل عضو من لاعضاء

وجهة نظري في مواضيع المنتدى: اولا انا عن نفسى بحب جداااااا القراءة وبقرا كتير اوووى من المواضيع واكيد مفيش مواضيع وحشة بس فية مواضيع بطلع منها او بحصل معلومات اكتر منها او بتفدنى ا كتر لكن معظم المواضيع حلووة اووى وبتعجبنى مفيش وحش لا هوميتقلش وحش ومش بيتقاس كدة هو بس الموضوع انا بقيسة من نحية الاستفادة ايلى طلعت بية منها

سلبيات المنتدى : فى الحقيقة السلبية الوحيدة الذى تزعجبنى بامانة عندما اضيف موضوع او غيرى ويكون هذا الموضوضوع محتاج للمناقشة وبفاجئ ان الرد علية بكون ب شكرا او تسلم ايدك وايلى يزعجنى اكتر انى بكون محتاجة للرد لانها ممكن تكون مشكلة ليا انا شخصيا او معلومة وعيزة اعرفها او مستشيرة فى اى شئ والقى الرد بهذا الاسلوب ودة بعرفنى اية اولا ان الموضوع بتاعى او بتاع غيرى اصلا متقراش عشان كدة بيترد علية كدة طبعا مش كل الاعضاء دة الاغلب يعنى وايلى ساعات بلحظة فانا بقول ان لما يكون موضوع للنقاش الاحسن ان كل عضو يقولنا راية اية لاننا اكيد هنستفاد بس كدة

ميزة المنتدى: ميزة المنتدى هنا هى اعضاءة بجد ناس محترمين جداااا وغير كدة كمان الادمين بحس انها مش بتعمل فرق بينا وبينها خااااالص ووقت محتجها بلقيها فى اى حاجة عايز تسالها او تستشرها فيها بتكون موجودة غير طبعا الاستفادة ايلى هى اكيد حاجة مهمة والعامل الاساسى لدخول اى عضو

واخيرا بشكرك كتير يا احمد وان شاء الله اكون وفقت

يسعدني ويسر وجداني وجود هذا العدد الذي لا بأس به من أحبابنا الكرام أحباب أسرة الفراشات .

من دواعي سروري أن ألتقي بأميرة منتدانا ، وأميرة مملكة الحب .. كي أبثها كل الأحترام والتقدير لحضورها الموفق

ورؤيتها الجيده لدرجة الدهشة ، ولكن دائما ننتظر كل ما هو آتي كل نخرج بفائدة ورؤي متعدده حول موضوع مسابقتنا

ومازلت تحت قيد الإنتظار ، وحضور باقي الأعضاء كي نخرج بفائدة تليق بنا كمحبين ومفكرين للكلمة الحره والرؤيا الثاقبة .

تحياتي وودي

ها بقا يا احمد انا عايزة اعرف النتيجة

والله ياتوتا .. انا نفسي مستعجل

بس مستغرب من نسبة الكسل اللي المنتدي فيه ..

الموضوع محدش اتكلم فيه الا تلاته .. شوفي تلاته من كام عضو ؟

مضطرين نستني كمان شوية .. معلش بقي

بشكرك ياقمر علي متابعتك وأهتمامك الجميل

علي فكرة .. مستقبلك هابقي جميل ان شاء الله

علامة استفهام كتب:: ازيكم يا أحلي أعضاء ، والله منورين

النهاردة فكرت في مسابقة هانتعرف فيها علي بعض أكتر وأكتر

المسابقة عبارة عن حاجات كتير ، وأدواتك فيها عشان تكسب الهديه هما " فكرك وقلمك "

المسابقة متجدده من حيث الموضوع اللي هانتكلم فيه ، واللي هيقام عليه الهديه الاولي .

مسابقتنا الاولي هي :

رؤيتك في المنتدي من حيث " الأعضاء ، المواضيع اللي موجوده ووجهة نظرك فيها ، سلبيات المنتدي أن وجد ، ميزة المنتدي "

القوانين :

1 - ممنوع عضو يرد علي عضو اخر في الموضوع أو يتناقش معاه من حيث رؤيته ، وده بسبب وجود لجنه قائمة علي المسابقه

واللي هاتقوم بتمييز فكر وقلم العضو .. ده أولا ، وثانيا منعا من الخروج عن دائرة المسابقة .

2 - التركيز الكامل أثناء الكتابه ، والتدقيق الأملائي ، ومراجعة نصك كاملا من حيث التنسيق ، نوعية الخط ، اللون .. حتي يتم

رؤيته بشكل صحيح ، ونقول ما لك ، وما عليك .

* ملحوظة / أنت غير مقيد في عدد السطور .. فتكلم كما تشاء ، وأكتب كما يحلو لك .. فأنت غير مقيد

- مسابقتنا متجدده من حيث الموضوعات اللي هانتكلم فيها ، وطبعا الجوائز أيضا متجدده

والهديه الأولي في المسابقة الأولي هي :

* قصيدة للعضو صاحب الفكر والقلم المميز باللغة العامية ، وستبني القصيدة علي نشاط وقوة ماطرح عضونا الفائز .

بتمني حظ سعيد لكل عضو هايشترك معانا في المسابقة ، وبتمني التفاعل الفعال من أعضاء منتدانا الحبيب والجميل .

منتظر أولي المتسابقين معنا .

حظ موفق

إعداد وإخراج

علامة استقهام

اولا عيد سعيد عليكم جميعا
عندي تعليق بسيط انت بتقول في لجنه تحكيم يعني بتتالف من كذا عضو هي فين وايه التشكيل الي في دماغك للجنه ده مش معناه ان التوبيك وحش لا جميل جدا وكمان هشارك معاكم

رؤيتك في المنتدي من حيث " الأعضاء ، المواضيع اللي موجوده ووجهة نظرك فيها ، سلبيات المنتدي أن وجد ، ميزة المنتدي "

الاعضاء:بالنسبه للاعضاء في كل مكان الحلو والوحش بس الحمد لله معانا احلي والذ اعضاء وبذلك نحمد المولي واذا ظهر اي خلل او اي عضو كلماته لا تليق ببستاننا الصغير نتخذ اللازم وانني اري ان هناك حب متبادل بين الاعضاء وذلك دون معرفه حب في الله هو ده الي مخلي الناس تشتغل بصرف النظر عن العيد والناسمش فاضيه

بالنسبه للمواضيع الموجودة بالمنتدي :فلا امدح ولا اثني ولكني اجد ان من كل حرف وكل كلمه فائده لان ورا كل حرف مغزي حتي الالعاب تنمي جوانب اخري

سلبيات المنتدي وايجابياته:لكل شيء مزايا وعيوب مزايا المنتدي اكيد ظاهرة في توصيل فكر ومعرفه وقبل كل شيءكسب اصدقاء يحبونك في الله
سلبيات المنتدي انني اري بعض الاعضاء تريد ان تزيد من مساهماتها دون النظر لمغزي الكلام اتعجب ممكن يري جميع الاشياء جميله انقد ففي النقد البناء مناقشات تجعلنا نتعرف علي الكثير والكثير

لدي من الكلمات الكثير لاننا اذا تحدثنا عن كل هذا في بعض كلمات لن نوفي بحق كل شيء ويارب اشوف ردود باقي الناس

بسم الله الرحمن الرحيم

بحمده تعال

كل الشكروالتقدير للأدمن .. علي حضورها الراقي ، وطبعا رؤيتها الجميلة أيضا .

بالنسبة للجنه المقيمة علي المسابقة .. فهي فرد متفرع منه أكتر من شخص ، وده بعيد كل البعد عن الأنفصام الشخصي ، ولا يمت

لعلم النفس من شئ ، ولكن حضرتك لو متابعه لمواضيع المنتدي ، وهذا ليس تقصير ، ولكن أعانكِ الله علي ما أنتِ فيه ، ولكن

مؤخرا .. ضايفت نفسي مجددا ، وأن امثل شخصية ليست غريبة عليكم ، وهي شخصية " منتدي الفراشات" وده هاتعرفية أكتر

لوشرفتيني في موضوعي " اسأل منتداك " ، ومنتدي الفراشات بعيد كل البعد عن علامة استفهام .. فكل ما هنالك أني سأناقش

المنتدي فيما ورد علينا من رؤيات ، والمناقشة ستتم أمام نصب أعينكم ، وأكرر :

رؤية منتدي الفراشات ، ومحاورة علامة استفهام .. ليست الا للأفادة والمناقشة الحره .

أستطيع أن أقول لكِ بأن العضو المرتدي عباءة المنتدي ، والعضو البسيط / علامة استفهام .. هما لجنة التحكيم .

شرفتي ، ورؤيتك فوق مائدة المناقشة .

منتظرين باقي الأعضاء .

اولا ازيك يا احمد وكل سنة وانت طيب وعايزة اقلك هى الجايزة مش هتقولها بئة انا من يوم ما عملت المسابقة وانا مستنيها هتبان امتة بئة ؟؟؟

اولا ازيك يا احمد وكل سنة وانت طيب وعايزة اقلك هى الجايزة مش هتقولها بئة انا من يوم ما عملت المسابقة وانا مستنيها هتبان امتة بئة ؟؟؟

بسم الله الرحمن الرحيم

وها نحن عند الوعد الذي قرر أن يمنح للمفكر قيمته الفكرية .
أحبابي الكرام ..
بعد طول مناقشة بيني وبين اللجنه القائمة علي المسابقة .. قررت أن أضع أمام نصب أعينكم نتيجة ما توصلنا إليه :

علامة استفهام : اهلا وسهلا بك عزيزي منتدي الفراشات
اليوم غير البارحه .. اليوم قرروا أحبابك بطرح كل ما يخصك من اشياء كثيرة ، وأريد أن أتعرف علي قيمتها الفكرية من خلال ما توصلت إليه من مناقشة .
منتدي الفراشات : أشرقت وأنورت بقيمة ما طرحت وسيعد بهذا اللقاء الذي من خلاله .. سنضع النقاط علي الحروف .. لتكتمل الكلمة وتصبح " منتدي الفراشات "
علامة استفهام : عزيزي المنتدي ، والقائم والمتوحد معي في لجنة التحكيم .. دعنا نتعرف علي رأيك فيما طُرح من خلال أعضائك الكرام .
منتدي الفراشات : أحبابي جميعا أقروا علي النقطة الأولي وهي " الأعضاء " خيرة صفوة البشر .. فلن أزيد ولا أقل من شأنهم
علامة استفهام : ما رأيك عزيزي المنتدي في رؤية الأعضاء بالنسبة لباقي النقاط وهي " المواضيع ، سلبيات ، مميزات المنتدي " مع المطالبة بوضع نسب تقديرية لكل عضو .
منتدي الفراشات :

بالنسبة لـ " توتا " :

- بتقول " إن المواضيع التي لم تنال اعجابها تشارك بها " .
* ما هي طبيعة المشاركة داخل هذه المواضيع ؟ وما هي طبيعة المواضيع ؟
نعم الإختلاف في الرأي لا يفسد للود قضية .. إذاً هناك من هذه المواضيع رأيك المضاد لها ، ولكن كان من الأفضل معرفتنا برد الفعل علي هذه المواضيع .. كما لا بد من توضيح هذه النقطة كما يجب . ( 5 / 10 )

بالنسبة لـ " ايمي " :

- بتقول " أن المواضيع أغلبها مواضع مميزة "
* الأنسان لما بيحب يتحسن بيبص الأول علي عيوبة .. هنا وضحتي قيمة بعض الموضيع ووصفتيها بالتميز .. طيب ما هي المواضيع المميزة بالنسبة ليكي ؟ وما هي قيمة التميز والهدف منها ؟! ( 5 / 10 )

بالنسبة لـ " أميرة مملكة الحب " :

- عاجبني ردها .. في إن قيمة الموضوع في الإستفاده من حيث هدف الموضوع ، ورغبتها في الحصول علي المعلومة ، ولك أيضا لي تعليق .. كان عليكِ إتمام جمال الرؤيه ، وطرح بعض المواضيع التي لا تنال مستوي المعلومة وقيتمها من وجهة نظرك . ( 6 / 10 )

بالنسبة لـ " أدمن " :

- أتفق معكِ من حيث مغزي الكلمة وما خلفها من قيم متعدده .. حتي الألعاب التي تساعد علي التجديد المستمر للفكر ، ولكن لي تعليق أيضا :
* كان لا بد من التحدث عن قيمة الحرف في المواضيع التي لا تخدم الا القليل ، وما هي قيمة الكلمة في المواضيع التي لم ترغبين في التحدث بداخلها . ( 6 / 10 )

علامة استفهام : وما رأيك عزيزي المنتدي في الرؤي الأخيره من قبل اعضائك الجمال في " مميزات وسلبيات المنتدي "
منتدي الفراشات :

بالنسبة لـ " توتا "

- بتفق معاها في موضوع الشات ، ودي نقطة مهمه جدا .. بلاحظ أن في أعضاء كتير بتدخل الشات ، وتترك قيمة المكان وما يقال فيه من قيم أدبية وعلمية وفنية ، وبالسبة للميزات التي ذكرتها توتا .. فأنا عندي بعض التعقيبات :
* أولا المنتدي قيمة فكرية ، ومناقشة حره .. ثانيا تعريفك ايه للمواضيع البنائه ؟ أن عضو يدخل موضوع ويقول شكرا .. طيب فين اللي عاجبك من المواضيع دي ؟ وهل المواضيع دي وسيلة تواصل وتعارف شخصي .. بمعني :
أن عضو يرد علي موضوع .. يجي عضو تاني يقوله أنت فين من زمان ؟ ووحشتنا ، وأزيك ؟ ومابتدخلش ليه ؟
أعتقد أن في شات .. لو له الرغبة أنه يدخل ويسلم .. أكيد هايدخل ويسلم .. يبقي ليه مانحفظش علي القيمة الجميلة اللي بتتكلمي عنها ؟ ( 6 / 10 ) .

بالنسبة لـ " ايمي "

- سلبيات المنتدي لم تقتصر علي لوحة الإداره فقط .. بدليل أن المواضيع المكررة تخص سلبيات المنتدي ، والإحراج من الأعضاء .. فيها أيه لما أجيب رابط الموضوع المقرر ،وأقول لصاحب الموضوع " موضوع جميل وأبدي بالنقاط المهمه ، وفي النهاية تُطرح جملة الموضوع مكرر " .. حفاضا علي شفافية المنتدي ، وحسن إدارته اللي حضرتك أعتبرتيها ميزة .
( 5 /10 )

بالنسبة لـ " أميرة مملكة الحب "

- فأنا متفق معها في كل ما قيل ، وهو الجمود والخمول الفكري لما نطرحهمن قضايا نراها مرارا تكرارا في حياتنا ، وبالفعل قد نحتاج إلي ما يرشدنا برأيه بعيدا عن كلمات الشكر .. فكلمات الشكر .. هي نهاية الرؤيه ، وليست هي كل الرأي ، وأما عن مميزات المنتدي .. بالفعل أعضائه محترمين جدا ، ولكن هؤلاء المبجلين والمحترمين .. هم الذين نريدهم بالوقوف جانبنا ، ونأخذ برأيهم إن كان مقنعا .. فكان عليكِ بالتوجه لهم بالأشاده والوقوف جانبك ، وجانب صفاتهم الحميمة سواء أحترام الذات .. أو رقة التفاعل . ( 7 / 10 )

بالنسبة لـ " أدمن "

- لستُ متفقا معكِ في إيجابيات المنتدي ، وهذا لوجود الكثير من المجاملات في أغلبية المواضيع .. نسبة المجاملة فاقت في مداها نسبة التواصل الفكري والمغزي الحقيقي من الرأي ، والرأي الأخر ، والصداقة بالفعل قائمة علي المنتدي داخل مواضيع نتواصل من خلال أفكارنا والرؤي الإبداعية فيما يُطرح .. حتي تم الصداقة علي أساس قيمة المنتدي ، وليست في شات المنتدي .. فكان عليكِ التنبيه بجانب الرؤيه ،
وأما عن سلبيات المنتدي : فأنا متفق معكِ في هذه النقطه ، وهي الهجوم علي المواضيع لزيادة المساهمات ولو بصور الشكر، وسلمت الأيادي ، وهذا عندما يمتلكنا الجمود ، ونصل إلي درجة التحنيط . ( 6 / 10 )

*****

توتا : 11
أمير مملكة الحب : 13
ايمي : 10
أدمن : 12

*****

مبروك لأميرة مملكة الحب
الهديه تحت قيد الإعداد

مبرووووووووووووووك يا نوووووووووووووووسه
لولولولولولولولولولولولوللوي
احسنت الاختيار يا احمد بجد فعلا انا عجبني كتير رد يسرا و هي كمان قالت حجات مهمه برضوا
مبروووووووووووووووووووووووك يا نوووووووووووووووسه

مبروووووك نوسه
فزتي بلباقه وبعمق تفكير
وشكرا احمد موضوع جديد ومميز وفي انتضار مواضيع مماثله او استكمال الموضوع

مع شكري وتقديري لشخصك

تقبل مروري واتمنى ان اكون خفيفة الظل على الصفحه

تحياتي

ميرسى كتير لتحيتكو والله يبارك فيكو وان شاء الله فى المسابقة الجاية واحدة افضل منى هى ايلى تكسب

وميرسى كتيييير يا احمد عالمسابقة دى وبشكرك كتير وانا مستنية الهدية اوكى اوعا تخلع ومتقلش الهدية ازعل موووت

» اجعل قلمك سفيرا لأخلاقك
» **من اسمك تعرفى هديتك وبلاش الشباب طاوعوووووونى؟؟؟؟