أنا.. بحبه وبدارى
هو ..بحبى مش دارى
أنا ..فى باله مش باجى
هو.. مش بيفارق خيالى
أنا.. بسهرله ليالى
هو.. ولا بيفكر فى حالى
أنا ..مش فى باله ولو ثوانى
هو ..على طول فى قلبى وفى بالى
أنا.. مش قادرة أطفى نارى
هو.. نظراته بتزود غرامى
أنا.. مش عارفة أشكى لمين حالى
هو ..مش حاسس خالص بأشواقى
أنا ..بحزن وببكى لحالى
هو.. ضحكته بتهز كيانى
أنا ..مستعدة أوهب له حياتى
هو.. مش شايفنى بقلبه نهائى
أنا ..نفسى فى حضنه أنام بالليالى
هو.. إمتى يحس بدقة فؤادى؟؟!
أنا.. بحب لوح تلج يا أخواتى!!
هو.. نفسى أسمعه يقولى يا حياتى
