ينابيع الهوى

حبيبي وين لكْ أبْدا وليلـي غيمتـهْ ترْعـد

أسامرْ وحْدتي دونكْ وسيف الْوقْت لي مسْلول

عذابي صار هو فرْحي وحزْني صار لكْ يشْهد

خفايا عاصي ادْموعي أسير الْحبّ مالي حول

أطيع الْحبّ لو يسْلبْ خفوق ٍ بات لكْ يسْـرد

حكايا عاشق ٍ لجْلكْ غدا وضْعهْ كما الْمهْبول

سريعهْ خطْوتي صوبكْ بطيئهْ بعْدمـا تبْعـد

أتوه ابْمشْيتي بعْدكْ وحالي صعْب كالْمذْهـول

يموت الّشوق في قرْبكْ ويحْيا عقْب كلْ موعد

وتظْلمْ غرْفة احْزاني ويبْقى خـدّي الْمبْلـول

طبيعي خاطري ينْزفْ طبيعي فرْحتـي توئـد

مدام الّشوق لكْ ظامي وحزْني غامر ٍ بسْيول

غريب ٍ حالنا يا حبّ ضمّهْ جفْنـي الْمجْهـد

شتا بعْدكْ طغى عصْفهْ ولا بانتْ سواه افْصول

زوايا الْكون ضاقتْ والْمآسي دومهـا تولـد

خناجرْ تقْتل احْلامي يكفّنْهـا أمـلْ مجْهـول

ولكنْ فوق جرْحي والأمانـي دايـم ٍ توعـد

بدايةْ هالْفرجْ تصْبحْ من الّضيقهْ وهي الْمدْلول

وذاك الْوقْت منْ ربّكْ يهلّ الْغيث بـهْ نسْعـد

وتشْفينا ينابيع الْهوى منْ حالنـا الْمعْلـول

****ينابيع الهوى****