سفينة نجاه ... 1 رمضان ... شهر العسل

سفينة نجاه...1 رمضان...شهر العسل!!


بسم الله الرحمن الرحيم ، وبه نستعين ، صلى اللهم على أشرف المرسين محمد وعلى اله وصحبه وسلم.
أما بعد


أخباركم ايه ؟، واخبار الصيام ، واحنا فى أول يوم فى الشهر الكريم ؟
يترى شادين حيلكم ؟

احب أقولكم ان الشهر ده هو شهر العسل بتاعنا كلنا واللى مش عايزين نضيع لحظة فيه
قولوا سبحان الله والحمد لله ولا اله الا الله والله أكبر
قولوها تانى وتالت وألف.
والصلاة ، اخبارها ايه ، لازم يا جماعه نصلى الخمس صلوات فى المسجد.
دى النافلة بس ، زى تحيه المسجد بثواب فريضه والفريضه بسبعبن فريضه ، لازم نروح بيت ربنا ، ونعود نفسنا على الصلاة فى المسجد ، والبنات لو مش يقدروا يروحوا المسجد يصلوا مع اخواتهم او مع امهم فى البيت .
والصلاة ليها وقتها ...إن الصلاة كانت على المؤمنين كتابا موقوتا...


وتخيلوا ان اكتر حاجه ربنا بيحبها ، الصلاة على وقتها ، تخيلوا ان ربنا بيحب الصلاة على وقتها اكتر من الجهاد فى سبيله.
وانت ورايح الجامع متروحش لوحدك ، كلم اصحابك وحاول معاهم مرة والف انهم يصلوا فى الجامع ، خلى هدفك ان الجامع على اخر رمضان يتملى على اخره بالشباب ، الشباب المسلم اللى ان شاء الله النصر هيكون على ايده.


وصلوا على النبى ، واكثروا من الصلاة عليه ، علشان نزداد قربا منه ، ان شاء الله فى الفردوس الاعلى
......................................
.
والقرءااااااااااااااااااااااااااااااااااااااان
ده الحرف بعشر حسنات وفى رمضان بيضرب فى سبعمائة
يعنى الجزء حوالى 700حرف بيساوى 4900000 حسنه
ومن اجمل ما فى شهر العسل ده العتق من النار ، انت ممكن يغفر لك ما تقدم من ذنب بس ممكن تعمل ذنوب تانيه بعد رمضان وتموت قبل ما تتوب عليها ،فرمضان فى كمان الاحلى من المغفره
الا وهو العتق من النار يقول صلى الله عليه وسلم
((ولله عتقاء فى رمضان وذلك كل ليله))
يعنى تخيل كده كل يوم ربنا بيختار مننا عتقاء عمرهم ماهيدخلوا النار فتخيل لو ربنا اعتقك فى ليلة من ليالى رمضان يبقى فوزت الفوز الاكبر، لان ربنا لو اعتقك عمره ماهيدخلك النار .طيب ممكن تسأل يعنى لو ربنا اعتقنى مش هعمل ذنوب بعد رمضان,لا هتعمل بس من رحمة ربنا عليك ان حسناتك هتبقى بمشيئة الله اكتر من سيئاتك وخيرك هيغلب شرك....طيب ياترى مين اللى ربنا هيختارهم من العتقاء ،يترى العلماء؟،المشايخ؟ ولا المتدينين؟...
((ينظر الله الى قلوب عباده فيختار الانقياء))
ياااه يعنى ممكن انت تكون فى ليله بجد قلبك صافى لربنا ونفسك يكرمك ويعتقك من النار فتكون من الفائزين.اللهم اعتقنا جميعا من النار
شدوا حيلكم ومتنسوش تدعولى معاكم ربنا يتقبل مننا كلنا ان شاء الله
ومتنسوش تدعوا للمسجد الاقصى الاسير وان ربنا يجعل تحريره على ايدينا



صوما مقبولا وافطارا شهيا
اشوفكم بكره ان شاء الله
بحبكم فى الله
وصلوا على النبى
والسلام عليكم ورحمة الله وبركاته
منقول من جروب شباب مسلم
محمود مراد
ياريت يا جماعه ندعيلو بجد وربنا يكرمه ويزيده اكتر واكتر

ميرسي يا سلمى

باارك الله فيكى يا توتا وجعله الله فى ميزاان حسناتك
اللهم اعتقنا من النار
اللهم اجرنا من النار
اللهم حرم اجسادنا على الناااار
يا رب كلنا ندخل الجنة

يارب يا دودو يستجاب دعائك امين يا رب العالمين

جزاكي الله كل خير

ميرسي يا ايمي يا عسل

جمييييل يا توتا
تسلم ايدك يا عسل

يرسي ليك يا امير على ذوقك

جميل اوى يا توتا تسلم ايدك
وبارك الله فيكى
وجعله الله فى ميزان حسناتكم ان شاء الله

ميرسي ليكي يا سكرة لالمنتدى كله و ميرسي على الدعوة الحلوة دي

ميرسى يا توتا يا قلبى

جمييل اووووى

ميري ليكي على المساهمة الرقيقة اللي زيك دي يا قمر