وانا بتكلم مع صاحبتي واخوها
سرحت وتفكيري خدني
لمنطقة تانية فى موضوع الإعاقة
واتبسطت جدا لما لاقيت إن أغلب تعليقاتكم
خدتكم لنفس المنطقة
وهى تعريف الإعاقة
كلمة انسان معاق
بتيجى فى دماغنا فى اول الامر بمعنيين
انسان معاق اعاقة عقلية
وانسان معاق اعاقة جسدية
لكن مع التفكير ومع بعض الفلسفة
هنلاقى ان المعاق ممكن يكون معاق فى اخلاقه
فى طريقة تفكيره وتحليله لكل شئ حواليه
لما الاقى انسان معاق ماشى فى الشارع
والاقى انسان سليم الجسد ماشى جانبه
وراح ضحك ضحكة سخرية على معاق الجسد
ده فى نظرى هو المعاق
معاق اخلاقيا ومعاق انسانيا
لما الاقى طفل لم يتعدى عمره العشر سنوات
بيبص من اتوبيس المدرسة
وبيشاور على شاب يعانى من مرض السمنة
والاقى الطفل ده بيضحك اوى ويقول بعلو صوته
بوووومباااااااااااااااااا
ويخلى كل زمايله يضحكوا على الشاب
ده فى نظرى طفل معاق
والاشد اعاقة منه هم اهله
اللى ماربهوش انه يحترم الاخرين
لما واحد يرفض انه يتقدم لواحدة
لانه شايف نفسه امور
وهى مش بيضا شق اللفت
رغم جمال ملامحها وجمال اخلاقها
فده فى نظرى انسان معاق فى تفكيره
لما انسان يتريق على شكل انسان او لونه
ده فى نظرى لا يخلو من اعاقة الاخلاق
فبالتالى انا وصلت فى تفكيرى
ان الاعاقة مش بس اعاقة جسدية او عقلية
الاعاقة الاصعب هى اعاقة فى الاخلاق والانسانية والتفكير اترك لكم سؤال هل يمكن ان ترتبط بانسان معاق ؟؟؟؟؟؟؟؟؟؟؟؟؟؟؟
