عفوا..الشباب المصرى غير متاح حالياً!!!!

عفوا..الشباب المصرى غير متاح حالياً!! هل أنت ولامؤاخذة مثقف؟؟

هل فكرت وغامرت واتهورت مرة وقريت كتاب؟؟
بتقرا حاجة غير مجلة ميكي ؟؟
عندك مصدر بتجيب منه معلومات غير قعدة القهوة؟؟
تعرف يعني إيه حزب؟؟
هل تعلم ماهى الليبرالية والفدرالية والإشتراكية ؟؟
يا ترى بتدخل ع النت ليه؟؟ عشان تتثقف؟؟

عفوا..الشباب المصرى غير متاح حالياً!!!! 1231265174673

عفوا..الشباب المصرى غير متاح حالياً!!!! 1231265174673

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا
تحتاج إلى أي تحاليل أو إشاعات..فكل الدراسات والأبحاث تشير إلى أن الشباب
المصرى عليه العوض وهو في أسوأ حالاته الثقافية في ظل أزهى عصور الحرية
والديموقراطية والتقدم .......!! -يعني احنا شباب تمام..في العصر
التمام-حيث تشير إحدى الدراسات إلى أن:
80% لا يقرأون الصحف و70% من الشباب الذين يشاهدون التلفزيون..أنهم يفعلون
ذلك بدافع الهروب وقتل الوقت وتحتل البرامج الدينية المرتبة الأولى في
قائمة البرامج التي لا يهتم الشباب بمشاهدتها بنسبة 64%-لا شباب متدين
صحيح-
أما في الصحافة الصفحة الأولى التي يهتم الشباب بقرأتها هى..صفحة
"الحوادث" تليها "الصفحة الرياضية"..وإذا كانت علاقة الشباب بالإعلام كأحد
مكونات المجتمع المصري تبدو ضعيفة..فإن علاقته بالمؤسسات السياسية تبدو
مصيبة..ففي البحث الذي أجري عن ثقافة الشباب المصري ذكر أن 10% من الشباب
لا يعرفون بوجود أحزاب فى مصر من الأساس-يا حلاوة!!-.. و الكارثة بجد هى
وجود أكثر من 74 % من الشباب لا يعرف اسم أول رئيس للجمهورية -محمد نجيب
يعني-وذكر أيضاً أن 19 % يظنون أن مصر فيها حزب واحد فقط-أكيد قصدهم على
حزب النادي الأهلي -..بينما أكد 17% من الشباب أن عدد الأحزاب في مصر هو
ثلاث أحزاب..وأكتشف البحث أن 50% من الشباب لا يعرفون عدد الأحزاب
الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا
انت من ال50%)..مع إن الأحزاب في كل بلاد العالم تعتمد أصلاً على الشباب
بشكل أساسي..ويستطيع الشباب من خلالها إقامة واسقاط الحكومات فنجد أن
الشباب الأوكراني وبالتحديد طلبة الجامعات هم الذين أسقطوا النظام
الديكتاتوري في أوكرانيا من خلال ثورة شعبية أقامها هم..وهذا هو نفس سبب
سقوط الحكومة في فرنسا حينما قام طلاب الجامعة هناك بمظاهرات حتى أسقطوا
الحكومة عندما قدمت قوانين للعمل لا تناسبهم..

طب تعالوا نشوف ازاى الشباب المصرى بيستفيد من الإنترنت:
فحسب تصنيف مؤسسة أليكسا العالمية عن أكثر 100 موقع يدخله المصريون كان
ترتيب هذه المواقع هى مواقع الشات..والمواقع والمنتديات الاباحيه ثم مواقع
تحميل الأفلام ومواقع نوادي الكرة ومواقع النغمات والبلوتوث ولم تشمل هذه
القائمة سوى 4 مواقع إسلامية في حين أنها لم تشمل على أى موقع علمي!!!
لكن الكارثة الكبرى هى أن مصر تحتل المركز الثاني في قائمة أكثر 10 مناطق
فى العالم بحثاً عن المواقع الإباحية على شبكة الإنترنت وفقاً لتصنيف محرك
البحث جوجل !!.. فى حين إن ناس غيرنا وشباب غيرنا هم اللي بيستفيدوا
بمليارات الكتب والمعلومات الموجودة على الإنترنت..عشان كده بيتقدموا..
فنلاقي مثلاً إن الهند تحتل المركز الأول على العالم فى البحث عن
البرمجيات وده يفسر لنا ليه الهند هى الأولى على العالم فى صناعة
البرمجيات الآن؟؟
فى الحقيقه الكلام ده قلقني جامد فقلت لازم أطمن على الأرقام دي بنفسي..
وعلى الشباب الجامعي المثقف..فنزلت للجامعة وعملت استطلاع لعينة عشوائية
من طلاب الجامعه ( 20 طالب ) وكانت النتيجة ان معظم الطلاب 17طالب
يستخدمون النت للشات ( مش للبحث العلمي لا سامح الله ) وإن 15 طالب لا
يقرأون إلا الكتب الدراسية (ده إذا كانوا بيفتحوها أساساً ) ونسبة قليلة 3
طلاب يقرأون الروايات الأدبيه العظيمة مثل رجل المستحيل وملف المستقبل
-الحمد لله أهو لقينا حد بيقرا حاجة-..
طبعاً مش لازم تبقى محمد حسنين هيكل..ولا لازم تكون فهمي هويدي-مصيبة لا
تكون مش عارف دول كمان-لكن على الأقل تكون فاهم..وعارف..وداري باللي بيجرا
حوليك فاهم العالم ماشي إزاي ومين عايز إيه؟؟ ومين بيعمل إيه عشان يكسب
إيه؟؟وقبل كل ده تكون عارف كويس.. أنت عايز إيه؟؟

كويس.. أنت عايز إيه؟؟
لأن فعلاً جهلنا واضمحلال ثقافتنا في كل شئ خلانا أمة نايمة مش بتفكر ولا
عايزة تفكر..دماغنا فاضية..مفيهاش أي حاجة..ولا أي قضية..ولا عايشين
لهدف..وكل اللي نعرفه في حياتنا..وكل معلوماتنا..عن الممثلين والكورة..حتى
ديننا للاسف فى ناس مش تعرف عنه إلا الوضوء والصلاة اللي اتعلمناهم واحنا
صغيرين..فحين إن العالم كل بيتقدم بسرعة جنونية..واحنا لسه محلك سر!!..يا
ترى الفكرة وصلت؟؟ولا لسة؟؟

/

\

/

مما آثار اعجابي واستشعرت انه يلامس الواقع

بس واقع مر للاسف
اللهم اهدي شباب المسلمين

وشكرا يجنتل

الاشكر ليكى يا ايمى

الشباب للاسف بقا غير متاح لانهم بيسمعوا الرويبدة
كما قال الرسول (ص)
و المقصود بالرويبدة الناس التافهين (يعني الممثلين و المغنين)
و دا فعلا اللي بيحصل الشباب مش وراها حاجة غير الاغاني
فهيتثقفوا ازاي!!!!!!!!!!!!!

جميل يا رانيا
نورتى الموضوع
وشكرا على تعليقك

» عفوا الصورة مقلوبة ...!!!
» عفوا.... سأتخطى الحدود..!!
» الشباب هم الشباب ...شاب يعاكس فتاة بالصور
» حب الشباب - طرق التخلص من حب الشباب
» عفوا الصوره مقلوبه هل لك ان تعدلها!؟