فضفضه شارد

الباشا عدى لازم تضرب السلام.
لما يتكلم .....تسمع وتبطل كلام.
ياااااااه يابلد تاهت وسط الزحام.
كله فيها واحد الجاهل والعلام.
مافيش فرق بين الامين واللمام.
والامين كان يتحبس علشان ده النظام!
شباب مليانه بالطموح والاحلام.
تطير فى سما امانيها زى الحمام.
وتفترسها الظروف ما تلاقيش غير الالام.
ويقولك فيه امل .... قصده اوهام ..
ســــــــــــــــكوت الباشا هيتكلم !
احم -احم
المشاكل كلها تتحل فى كلمتين.
عاوز تشتغل وسطتك فين؟
قصدى احنا بنشجع الاجيال اللى جايين.
ويفضل يتكلم ...تزهق وتعمل فيها التوربين.
وتساله . يقولك هاتوه ده من الناس التانيين.
اللى عاوزيين يرجعونا واحنا متقدمين .
وبلاش اكمل اكيد انتو عارفين .
وتقوله بالديموقراطيه احنا عارفين .
يرد ويقول ديموقراطيه مين يابن الناس الطيبين.
اوعى تزعل ولا تضايق انا بس بفضفض .
بقلم وورقه وكلمتين .
بقلم محمد حسنى