ياللّى دخلت الطب
ونِفسك تخرج منه بعقل سـليم
عيش لدماغك روَّق بالك أوعى تفكر في التعلـيم
الدرجات بتروح و بتيجى طنش واضحك واشرب تيم
لو شكّيت في كلامي لثانـيه ومفكّـرني خبيث و لئـيم
ذاكر واطحن واعمل فـالح واعمل في أل[exam]براشيم
آخرك برضُه دكتور وحده تكتب قطره لبوس و كِريـم
تفضل تجرى وتهرى في نفسك تقبض أخر اليوم ملالـيم
تاكل حاف و تصبّـر نفْسك وتقول حلو أهُو برضه رجيم
ياللّي نويت ع الطب ونِفسك تلبس بالطو و تبقـى حكيـم
افرض مثلاً مثلاً يعـنى مجموعـك ودّاك بلطـيم
لو تزعل تبقى عبيط و أهبل تفكيرك لا مؤاخـذه عقيـم
لو منك كنت أعمل حفـله وأجيب رقاصـه و معازيـم
و كفاية إني نفدت بجلدي صـدقني ده الطـب أليـم
