قصيدة بعنوان الجرح والله جوناااااااااااااااااااااان
قريتها وأعجبتني وحبيت أحطها لكم ..,,
الجـرح مـاهـو خـاطـر شــوي ويــروق
الـجــرح حـتــى لـــو تـشـافـى يعـلّـلـك
واذاك متـحـمـس مـتـاهــات وطــــروق
انـــا تـعـبـت اشـــد حـيـلـي واحـاولــك
سماي ما شـيّ شمـس ورعـود وبـروق
والـريــح مـاهـبّـت ولايـجــري الـفـلــك
والقلـب ناشـف بحـر وشقـوقـه شـقـوق
وشـلــون بـيـكـوّن ســحــاب ويـبـلّـلـك
يـا ظامـي انـا اظمى ومتشبـع حـروق
واذاك ظـامـي للمـواصـل .. انــا هـلـْـك
هلْك ووقف في وجهـي الاصـل والـذوق
والمجتـمـع والـعـرف والفـقـر واهـلــك
متعـومـس وحــزن الـنـبـلاء مـرمــوق
يعنـي لـو احتـاج لـك ماجيـتـك اسـألـك
اللـي عـلـي اشـكـي واعاتـبـك بـرفـوق
واقـــولـــك ودّي مـــاعـــاد اتــأمــلـــك
مـــن دورة الايـــام يـاخــوك مـخـنــوق
الـوقـت مشّـانـي مــن الـسـلـك للـسـلـك
أزل خـطـوه .. بــس مــا ازل مـنـطـوق
ولـو صـارت ابـحـب خشـمـك واجامـلـك
يـبـقـى الـبـنـي ادم مـجــرد ومـخـلــوق
ملك ولـكـن فــي الحقيـقـه بــلا مـلـك
والناس عوق الناس والدرب مسبوق
تتعب على اشياء وفي الآخر ماهيب لك
كــذّاب.. قـايـل كــل مـطــرود مـلـحـوق
سنيين وانا اطردك وازريت لا اوصلك
كنّـك تطـيـش وكـنّـي ادور فــي طــوق
كـل مـا وصلـت اخــرك يطلعـلـي اولــك
ياليـت مـافـي خـاطـري شــوق وفــروق
ماكـان حسيـت انـهـا بــس مــن كـلـك
الشـوق ماهـو رعشـه وقبضـة عــروق
وماهـو اللـي مـن شينـك فعينـك يجمّلـك
وماهـو شعـور يخالـج الـروح برفـوق
ولاهو سحـر ولا ادري والله شقـول لـك
كنه سحابـة حلـم وتطيـر بــك فــوووق
وتـطــيــر ولا ودك انـــهـــا تــنــزلــك
الشـوق هـذا .. والا انـا شـوقـي الـبـوق
ماقـد حصـل فـي شـوق هــذي ولا تـلْـك
تدري وش اسوي ليا اضناني الشوق؟؟
اســــوي بـعـيـونـي كــــذا واتـخـيـلـك
واقـربــك واتـــوق واتـــوق واتــــوق
واكــثــرك واحــلــف مــاعــاد اقـلّـلــك
واصورك في الموق وتكبر على المـوق
وتطيـح مـع دمعـي علـى ايـدي واقبـلـك
هــذا غــلاي الـلـي مــع الــدم مـدقــوق
ولا عـاد تسـأل عـن شعـوري بزعـلـك
محـبـة ماهـيـب مــن طـــارف الـســوق
.لــو انـــك تـوكــل.. كـــان والله لا آكـلـْـك
جيتـك حقـوق ورحـت ماعنـدي حـقـوق
وان قلـت مــا احـبـك ابجـحـد مواصـلـك
احـبـك ..إلاّيــا بــري حـالـي وعـــوق
مـن كثـر مـا احبـك اخـاف انــي اقتـلْـك
