حب زي ما انت عاوز
ومش مهم بتحب مين
كنت فاكراك قلب طيب
لحبي .. ومخلص أمين
حب أكتر .. حب زود
دا انت قلبك بألف لون
ومعادش يفرق إنك بتبعد
ولا حتى تروح لمين
وافتكر كدبك يوماتي
عالمحبة والحنين
وافتكر انك بديت
بالأسية أما بحت بكلمتين
كنت عاوزني اصبر
ولا اداريك بدمعتين
قلبي وطول عمره صابر
وكنت وياه مستنيين
موش مهم انك بتخدع
معدتش تسحرني نظرة عنيك
مش هتقدر تداري كسوفك
ولا تهرب من ضميرك
ما خلاص عرفنا كدبك
وخلاص وراحت عليك
