منتدي الفراشات

منتدي الفراشات

منتدي ثقافي ادبي فكاهي رياضي
 
الرئيسية<table width="4بحـثالتسجيلدخول
أفضل 10 أعضاء في هذا المنتدى
Admin
 
ايمي
 
نور العيون
 
bosey
 
tota adel
 
dodo42
 
tawfik_20006
 
اميرة مملكة الحب
 
my love
 
ارسطو
 
احصائيات
هذا المنتدى يتوفر على 7277 عُضو.
آخر عُضو مُسجل هو Gaber Hassan فمرحباً به.

أعضاؤنا قدموا 80652 مساهمة في هذا المنتدى في 15378 موضوع
سحابة الكلمات الدلالية
المواضيع تكسب لعبة سعاد احدث اغاني ايمي اكتب البيت مسابقة الاعضاء اعراب الحلقة نتيجة قصيدة بانت يوميات الركام أحلى الحب لعبه اغنية بيها البنات اسمك اللي

شاطر | 
 

 تعالوو نشوف مشرف المنتدى و هو رايح يخطب.....ممنوع دخول المشرفين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
bosey
مبدعة المنتدي
مبدعة المنتدي


وطني :
انثى
العقرب
القط
عدد الرسائل : 4552
العمر : 17
الوظيفة : طالبة
sms : اضغط ع الرساله بسرررررررررعة

مع خالص شكري وتقديري لكل من يساهم في تقديم أي فائدة أو معلومة ويساعد على رفعة
الاوسمة :
تاريخ التسجيل : 25/12/2008
نقاط : 1751364

مُساهمةموضوع: تعالوو نشوف مشرف المنتدى و هو رايح يخطب.....ممنوع دخول المشرفين   الأربعاء 28 يناير 2009, 2:12 am

كان المشرف مرتبط بموعد مع العروس وأهلها
ليتقدم إليها ولكنه لم يشأ إغلاق المنتدى لمدة ساعة هى مدة اللقاء
مع الأهل فأخذ اللابتوب معه وشحنه على آخره وتابع الردود على
الأعضاء فى صفحة الشكاوى وهو فى طريقة للمنزل راكبا التاكسى

بمجرد وصوله إلى العروس سأل عن أقرب فيشة كهرباء لأن الشحن شارف
على الإنتهاء

والد العروس: أهلا يابنى ... ....إزيك !!

المشرف(وهو مشغول بلوحة مفاتيح اللابتوب): أهلا بيك يا عمى .....

أنا يشرفنى إنى أطلب إيد بنتك مها .....موافق ولا لأ؟!!!!

تبادل كلا من والد العروس ووالدتها وأخيها نظرات الدهشة

والد العروس(مستغربا): حضرتك بتكلمنى ولا بتكلم حد على الإنترنت

المشرف(مازال منشغلا بلوحة المفاتيح): لا يا عمى أنا بكلمك إنت هو معقولة
أتكلم مع حد غيرك وأنا قدام حضرتك!!!

والدة العروس: طب يابنى طالما بتكلمنا بصلنا طيب

المشرف(لم يرفع عينه ويديه من على جهازه):ليه يا حاجة هو أنا هتكلم بعينى ولا ببقى؟!!!!

إقترب الولد الصغير(8سنوات) من العريس مبهورا بالابتوب(الجهاز المحمول) وهو يقول

الصبى: عمو .....هو الجهاز دة فيه ألعاب كتير زى الأتارى الى عندى؟!!

العريس(مازال منشغلا بجهازه): أيوة يا حبيبى وأحلى من الى عندك كمان

الصبى: طيب ممكن ألعب شوية .. ...عشان خاطرى يا عمو

(هنا فقط رفع العريس عينه من على جهازه لأول مرة وتوقف عن الكتابة
وهو يوشوش فى أذن الصبى)

العريس: لو خليت أبوك يوافق عليا هلعبك كتير قوى

طار الصبى فرحا وهو يقول
بابا بابا أنا موافق إن عمو يتجوز أختى الكبيرة أبلة مها!!!!!!
ثم إلتفت إلى العريس وهو يقول
ألف مبروك يا عمو!

الوالد(صارخا): أمشى ياد خش ذاكر . .... مبقاش إلا إنت يا أبو ريالة الى هتوافق ومتوافقشى

(مشى الولد باكيا ولم يهتم به العريس وقد عاد إلى جهازه منشغلا)

الوالد: إنت يا حبيبى إنت كمان .....إنت إيه حكايتك ؟

العريس: حكاية إيه يا عمى .....أنا معنديش حكايات إنت عندك؟!!!

الوالد(بضجر): إنت جاى تهزر

(لم يعره العريس أى إهتمام وقد ظهر مشغولا بموضوع ما على جهازه)

فإقتربت الأم من الوالد وتكلمت هامستا

الأم: إلا قولى يا حاج .....هو الجدع دة بيعمل إيه على البتاع الى معاه دة ....
.وإزاى بيكلمنا وهو بيحرك إديه الإثنين على الزراير دى كلها؟

الوالد: والله معرفشى يا تفيدة..... يظهر والله أعلم إنه بيكتب الكلام الى
بيقوله لنا فيطلع من بقه!!!!!!!


الأم: يا ندامتى !!!..... معقولة دى يا حاج ؟!!

الأب:طبعا يا تفيدة معقولة ماهو إحنا فى عصر التكنولوبيا!!!
إنتى مش شفتى إزاى كان ملهوف على أى فيشة كهربا أول ما جيه لأن
الشحن بتاع الكلام بتاعه كان هيخلص!

الأم: يا خويا الى يعيش ياما يشوف!!!
على كدة يا حاج لو النور قطع هيبقى أخرس؟!!!!

الأم: طب يا خويا لازم لو وافقت عليه نشترى للبت كرتونة حجارة قلم
عشان تبقى عاملة حسابها فى أى وقت!!!

الأب(صارخا): هو أنا معقولة أوافق على الآلة دى .....ليه من قلة الرجالة يعنى

العريس: حضرتك بتكلمنى يا عمى

الأب: لأ يا حبيبى أنا بكلم تفيدة

العريس: تفيدة مين ؟

(دخلت العروسة فى هذه اللحظة مكسوفة وهى تنظر إلى الأرض
وبيدها أكواب العصير ولكنها لم تلاحظ فيشة الكهرباء فإنقلبت
على وجهها أرضا وإنفصلت الفيشة )

العريس(صارخا): إيه الى هببتيه دة .....إنتى إزاى تفصلى الجهاز!!

الأم(بصوت خافت): يا حلاوة .....أهو بيتكلم من غير كهربا أهو يا حاج

الأب(بصوت خافت): ماهو كان شحن على الآخر يا تفيدة .....افهمى بقى

ثم إلتفت إلى العريس قائلا

الوالد: إيه يابنى قلة الذوق دى إنت بتصرخ فى عروستك وإنت جاى تتقدملها؟!!
دة بدل ما تساعدها إنها تقوم وتودها بكلمتين بعد ما فيشتك الهباب دى وقعتها

العريس: يعنى أساعدها تقوم ولا ألحق أشغل الجهاز عشان المنتدى ما يتعطلشى؟!!

الأب: دة جيل إيه دة.....هو جاى لينا منين دة!

العروسة: من النت يا بابا.....من النت

الأم: الله يقطع النت والى شغالين فى النت !
يا رب تيجى عاصفة تسومانى على النت والى فيه!!!!!

الأب:ممكن بقى يابنى تقفل المخروب دة وتكلمنا شوية

العريس: خلاص يا عمى المساعد بتاعى جه بدالى دلوقتى

إلتفت الجميع حولهم يبحثون عن ذلك المساعد فضحك الموديراتور

العريس (ضاحكا): لأ يا جماعة أنا اقصد إن المساعد بتاعى أخذ مكانى
فى الشغل دلوقتى يعنى أنا دلوقتى جاهز لأى إستفسار لمدة ربع ساعة

الأب: لا حول ولا قوة إلا بالله .....طيب يابنى طالما مش فاضى ليه حددت المعاد دة
مش كنت تحدد معاد تكون فاضى فيه

العريس: يا عمى خير البر عاجله

الأب: طيب..... إحنا لسة متعرفناش بإسمك ولا شغلتك
ولا سنك ولا شهادتك ولا أى حاجة خالص!

العريس: أنا اسمى موديراتور ...دة الإسم المستعار!

قامت الأم تحوم حول العريس وتنظر إلى يديه تبحث عن شىء ما ثم مسكت
يده فجأةوهى تقول
ممكن تشمر إيدك يا عريس الهنا

العريس(وهو يشمر): ليه ياحاجة إنتى هطعمينى!!! أنا إطعمت قبل ما آجى عندكوا ‍‍‍‍‍

الأب:ليه قالولك إننا عندنا كوليرا !!!

العريس: لأ يا عمى أصل أنا قاعد ليل نهار فى غرفتى المكيفة
الصحية فلما بروح أى داهية تانية لازم أطعّم

الأب(بصوت منخفض): داهية لما تخدك يا شيخ!!!

صرخت الأم( وهى تمسك بيده اليمين وترفعها عاليا): يعنى مافيش صليب
إمال إيه موديراتور دة؟ إنت يهودى؟‍‍‍‍‍‍‍‍‍!!!!

ضحكت العروسة وهى تقول: لا يا ماما دة النيك نيم بتاعه

الأم: ال إيه يا ضنايا؟‍‍!

العريس: خلاص يا جماعة .....أنا إسمى سعيد وعندى 25 سنة يعنى تأبيدة‍‍‍!!!
معايا شهادات كتيرة لو قلتها لكم كلها يبقى هنقعد يومين فبلاش أحسن
وشغلتى مشرف عام على منتدى الفقر حشمة

نظر الأب إلى المشرف وملابسه البسيطة غير المتناسقة وهو يقول
سيماهم على وجوههم‍‍‍‍!!!‍‍‍‍

العروسة(مبتسمة): بجد إنت المشرف بتاع الفقر حشمة .....
ده أنا مشتركة فيه من 5 شهور

العريس: ما شاء الله....بس إنتى مش ملتزمة بقوانين المنتدى
ولابسة كويس وعايشة فى عيشة آخر أبهة

العروسة: أنا عملت كدة عشان عارفة إن فيه عريس جاى يخطبنى

الأب: إنت يابنى عاوزها تلبس إيه .....هدوم مقطعة

العريس: لا يا عمى خلاص مش مهم لما أبقى أتجوزها أبقى أقطع لها هدومها‍‍‍‍‍‍!

الأب: ومين قالك إنى وافقت عليك أصلا

العروسة: ومتوافقشى ليه يا بابا دة حتى الموديراتور أكيد هيخلينى مميزة فى المنتدى
مش كدة برضه يا موديراتور

العريس: طبعا وهعينك معانا من المشرفين على قسم لوحدك

العروسة(بسعادة): بجد..... هتعينى مشرفة على قسم لوحدى

العريس: طبعا وهديكى أسهل وأحسن قسم فى المنتدى

العروسة(فرحانة): هييييه .....هتدينى قسم إيه ؟

العريس: الشكاوى!!!

العروسة (صارخة)
: لا أرجوك .....كله إلا الشكاوى

هز العريس كتفيه وهو يقول
خلاص نفتح قسم للوفيات وأعينك مشرفة عليه

الأب: يا ترى خلصتوا ولا لسة

نظر العريس فى ساعته وهو يقول: أنا فعلا وقتى قرب ينتهى
لأن المساعد بتاعى عنده ميعاد مهم ولازم أدخل مكانه

الأب: أنا مش موافق على الجوازة دى

العروسة: ليه يا بابا دة انا.....

قاطعها الأب صارخا : اخرصى يا بت إنتى وروحى ذاكرى لأخوكى

خرجت العروسة باكية غاضبة بينما إلتفت الأب إلى العريس قائلا
شوف يابنى .....لما تبقى تفضى للجواز إبقى تعالى إتجوز بنتى .....
لكن طول ما إنت فى الفقر حشمة دة مالكشى عرايس عندى
فاهمنى

العريس: خلاص يا عمى براحتك .....بس إذا كان منتدى الفقر حشمة
هو الى مزعلك أنا ممكن أسيبه

الأب(فرحا): بجد يابنى .....طيب سيبه هو فعلا الى مزعلنى
لو سيبته أنا هسيبلك بنتى بدون أى كلام


شكره العريس ثم جاء إليه فى اليوم التالى ومعه نفس اللابتوب وهو يقول
أنا سيبت الفقر حشمة من إمبارح وإشتركت فى منتدى تانى اسمه

مخمخة >>>>



سقط الأب على الأرض ميتا وصرخت الأم وبكت العروسة وأخيها الصغير
بينما جلس العريس فى غرفة الصالون يتابع منتداه الجديد


تفتكروو دة يبقى مين من عندناااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
casablanca
والله شغال عال العال
والله شغال عال العال


1 :
وطني :
ذكر
الجوزاء
التِنِّين
عدد الرسائل : 2343
العمر : 28
الوظيفة : computers science
sms : There's nowhere to run
I have no place to go
Surrender my heart'
body and soul
How can it be
you're asking me
to feel the things
you never show
دفئه انتى كليله حب

الاوسمة :
تاريخ التسجيل : 21/02/2009
نقاط : 1712427

مُساهمةموضوع: رد: تعالوو نشوف مشرف المنتدى و هو رايح يخطب.....ممنوع دخول المشرفين   السبت 28 فبراير 2009, 1:33 am

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/Ahmed kanaria
Admin
الادارة
الادارة


وطني :
انثى
الدلو
عدد الرسائل : 7316
sms : لست أسيره أو رهينه في يد رچل يريد لي آلدمآر
إن أرآدني شريگة درپه سأگون لطريقه آلمنآر
سأگون له سگن و مأوى و سأغمره پحپ گآلأنهآر
و إن أرآدني گخآدمة سأرحل عنه و أرفض پقوة آلآنگسآر
و أرحل عن آلحپ پلآ عودة فأنآ أرفض أن يگون آلحپ طريقي للآنهيآر


الاوسمة :
تاريخ التسجيل : 28/08/2008
نقاط : -2145662458

مُساهمةموضوع: رد: تعالوو نشوف مشرف المنتدى و هو رايح يخطب.....ممنوع دخول المشرفين   الجمعة 19 يونيو 2009, 1:42 am

ههههههههههههههههههههههههههههههههههههههههههههههههههه

رووووووووووووعة

_________________
 

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alfrashat.7olm.org
ايمي
ملك المنتدي
ملك المنتدي


1 :
انثى
الاسد
القرد
عدد الرسائل : 6847
العمر : 36
الوظيفة : ربة بيت
sms : لا اله الا الله وحده لاشريك له
الاوسمة :
تاريخ التسجيل : 03/01/2009
نقاط : 1746256

مُساهمةموضوع: رد: تعالوو نشوف مشرف المنتدى و هو رايح يخطب.....ممنوع دخول المشرفين   الجمعة 19 يونيو 2009, 5:26 pm

ههههههههههههه
مبدعه بجد

_________________
]
}أناَ ليْ قلبُ ...
ماَ يحُــقـَـدْ.., و لاَ يحُسَد.., و لاَ يغَـــتُـــاَبـ.ْ .
لإنْ النَاسْ مَن تُخطيْ
لهاَ ربٍ يجُاَزيـــٌــهـاَ. .
ولاَ اندُمْ علَىْ البَايـُعْ
ولاَ احُــزَنْ عـُـلىْ اللَعــُـاَبـ.ْ .
وناَس ٍ ماَتقُـــدرَنيْ أطنَــشُهاَ..واجُاَفيـهُـــــُـاَ ... }
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تعالوو نشوف مشرف المنتدى و هو رايح يخطب.....ممنوع دخول المشرفين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي الفراشات :: فضفضة الفراشات :: المنتدي العام-
انتقل الى: