عانت من هموم الدنيا وأرهقها الهم والحزن والخوف بكت وتألمت من الحزن الذى سكن قلبها
لم تيأس عرفت باب ملك الملوك قرعت بابــه " اليكم قصتها و كلماتها
تقول الفتاة:
والله اني كنت بهم ما يعلم فيه غير رب العالمين انخطبت له بأولى ثانوي المهم كنت دائما زعلانه وحزينه وكارهه الدنيا كان هذا حالي من يوم انخطبت بس كنت اصبر نفسي لان الزواج كان لما اخلص الثانوي كنت اقول الله كريم ويعدي يوم ورى يوم دخلت ثالث ثانوي بديت اخاف بديت ابكيي بحراره
كنت اشكي لأمي تقولي وش اسوي لك ماقدر اكلم ابوكي لانها تخاف منه لانه شديد وعصبي
ومن النوع البنت لولد عمها المهم اصلي استخاره واحس اني ارفضه بزياده كل ماصليت اكره الولد اكثر قربت الاختبارات النهائيه اروح للمدرسه بدموعي والكل يسال شفيني فكرت وش اسوي
فكرت وانا جالسه بالبيت لقيت شريط بالمكتبه اسمه قرع ابواب السماء و عندما سمعته ادركت
فوائد الدعاء رفعت يدي دعيت من قلب بكيت ترجيت رب الكون كنت ادعي بين الاذان والاقامه حقت صلاة المغرب
وكنت سبحان الله اصحى 3 بالليل من نفسي واصلي ركعتين والله بس ركعتين وادعي ربي قعدت على هذا الحال يمكن اسبوع بعدها حلمت حلم ان بيتنا مربط بسلاسل ذهب نازله من السماء
وكنت اناظرها بالحلم واقول لامي يوومه شووفي مالها نهايه هالسلاسل وسمعت احد يكلمني يقول انتظري 13 يوم
صحيت من النوم كالعاده 3 وصلي ركعتين وقمت احسب 13 يوم ابي اشوف وش يصير لاني صحيت مبسووطه من الحلم ويعدي يوم ورى يوم وانا عنفس حالتي جاء يوم الاربعاء اللي كان اليوم ال11 من بعد الحلم جت عمته عندنا زياره وكانت اول مره تدخل بيتنا سبحان الله
تهاوشت انا معها لانها كانت شرانيه وماتحبني لا أنا ولا امي وقلت لها ترانا مابي ولد اخوك قالت ليش
انتي لعابه وانتي براسك واحد وانتي تكلمين ولد حسبي الله ونعم الوكيل قلت لها مابيه يعني مابيه يومها انا خفت من ابوي لاني عارفه انه حيذبحني جاء يوم
الخميس جت امه وخواته وهو فجأه
قال لابوي السالفه جاني ابوي الصاله وقالي قدام امه وخواته فلانه ((اللي هي انا ))ملكتكي وزواجك الاسبوع الجاي ضاقت علي الددنيا
جا اليوم الثاني صحيت وصحى همي معي اللي اصلا ما نام وتمنيت اني ماصحيت والله استغفر الله
رحت لابوي وكان راجع من صلاة الجمعه قالي فلانه معك شهر فكري براحتك تبينه ولا لا وماحد يغصبك وانا ابوك فرحت موب مصدقه وش لين قلبه قمت سلمت ع راسه ويده وانا ابكي بحراره
حضني وقام يهديني ووقتها تذكرت ان اليوم ال13 وهاذي قصتي ويشهد ربي اني ماكذبت ولا بالغت الدعاء يا خواتي ثم دعاء ثم دعاء قولوا يا أرحم الراحمين 3 مرات كنت مداومه عليها.
