ياللـــي عـــرفت في يوم معنى التحدي والإراده
وبقيـــت بطل مشهور ونمره واحد في الرياضه
إيه اللــــــــــي خـــلاك تسيب عــــرين الأسـود
مع إن ده مــــــــــكانك ودي صـفاتك م الولاده
وآه
فيه ناس ماهياش نـاس بحــــق وحقــيق
وناس معـدنها مــاس وله هـــاله وبريق
والاتنين ماتشوفش حقيقتهم بالنظر بــس
لازم تخش وتنزل جوا منهم في الغـــريق
وآه
أحـــــــب أعيـــش ولو أعيـش محــــروم
أو جـــــــوه أوضه أو ويا ديــــب بيــزوم
تعمــل ما تعمل الدنيا فيـه هـــبقى راضي
إنـــــــما لو سيـــبتها يبقى يا كتر الهموم
وآه
قالوا الوبــــــــاء والعدوى ماشيه في كل مكان
والمــــرض داير يلف وجاي جاي يا غلـــــــبان
أيها الساده الإنفلونزا جــايه بالخنازير والطيور
ما انــــت خـــــــــــلاص بقيت ملطشه يا إنسان
وآه
بين السطور أنا ساطر كلام زي الساطـور
دبح الورق والحبر جاب دم شفت الغـرور
لو كل واحد خط على الورق وسابه يتكلم
مش كان زمنا والنبي عدينا أعلاها ســور
وآه
مــا بين شروق الشمس وغــروبها
وبيـــــن جـــــــمال الدنـيا وعيــوبها
شـــــغلك ســــــــــؤال واحــد وبـــس
عن بنــــــت سمـرا وانــت محبـوبها
وآه
ما بين ( س ) و ( ج ) يامــــا انتــظرت
ومـن كــــل ( ع ) و ( ز ) كتير اتنظرت
حــتى الحبابيب والقـــــرايب والصــحاب
خلوني كرهــت حـــالهم ودنيتهم هجرت
وآه
سـواق تكـاتك ومــــــــــــــاشي في الحــــواري بلف
لا عـندي رخـــــصه ولا ليه نمره والقـادر عليا يتف
يـا رب رقيني ارزقني خليـــــني أســوق ميكروباص
وابعدني عن الكمين آمين وخلي الشرطه عني تخف
وآه
يا كل مــــن آمن بالله واحــــــــد أحــــد
واختار محـــــــمد رسول الله وبه شــهد
سيب كل مـــن كان له طريق يمشي فيه
ولا تجبره ولا تهدره دمه حرام وإن لحد
وآه
