الدنيا غدرت بينا واحنا بقالنا سنين
فاكرينها نسيانا اتارينا مش عايشين
ودواير الدنيا بتلف بينا كل لحظتين
بين كل لحظة والتانية من كل شىء خايفين
ومن الناس ملايين عايشين ومش عايشين
لو قلنا على شىء حرام نبقى مش فاهمين
ولو حللنا الحرام فجأة نكون عاقلين
الدنيا ماشية عكس واحنا معاها ماشيين
فينا واحد فرحان وفينا الف حزين
بس يا ترى دى غلطتنا ولا دى غلطة مين
بنقول الدنيا مش غلطانة ! ولا احنا كمان غلطانين
ومقدرناش نفتح عنينا ونشوف الدنيا باحلى عين
طب نعمل ايه يا دنيا معندناش خيارين؟؟