لية البنات بتتعاكس

المعاكسة واجب قومي وحق تجاه اي واحدة نازلة الشارع وتاعبة نفسها ومتشيكه وحاطة ميكب ونازلة تقول للأرض اتهدي ما عليكي ادي ... عايزين ايه من الشباب يعني ... مش لازم يشجعوا المنتج المحلي ... وكمان لما البنت دي تتعاكس والشباب يقرفها في الشارع اكيد هاتتربى وهاتتعلم الادب وتنزل الشارع بعد كده محترمة .... ماهو لو محترمة والله ما كانش حد قرب ناحيتها .

بس في مشكلة ...

البنت اللي لبسها كويس ولابسة اسدال كمان او خمار بتتعاكس ليه .؟؟؟.... ايه اللي بتتعاكس ليه ... اكيد ماشية تتمايع وتضحك في الشارع وحاطة ميكب اد كده ....لازم نربيها بردو وتنزل الشارع محترمه ... ساكتة ولا تنطق من اساسه ... مش بقولكم واجب قومي ... بنربي بنات مصر ...

طب واللي ماشية لابسه محترم ولا حاطة ميكب ولا غيره وماشية في حالها لا بتضحك ولا بتتمايع ماشية في حالها ... ...لأه بقى ما هي نازلة الشارع وحدها وقاصدة تتعاكس ايه اللي منزلها الشارع وحدها وهي عارفة الشوارع بقت عاملة ازاي ... ماهي لو محترمة بجد كانت نزلت مع باباها ولا اخوها ولا خطيبها حتى ... دي عايزة تعمل محترمة وتضحك عالشباب وتجيب عريس ... وبردو لازم نبينها على حقيقتها وتتعاكس علشان محدش يفتكرها محترمة ...

طب واللي نازلة مع اخوها ولا خطيبها ولا حتى جوزها (مش نازلة وحدها اهو) ويطلع لها واحد من ورا خطيبها ولا اخوها بيبصبص ليها كده من ورا ضهر الراجل الغلبان وعمال يشاور ويعمل حركات ويقرفها ... ... يا سلاااااااااااام ومين قاللك ان ده خطيبها ولا اخوها .. تلاقيها الواد اللي ماشية معاه ماهو لو كان خطيبها كان قعد يشوفها في بيتهم .. وانا بعاكسها علشان اعرفهم قيمتهم هما الاتنين علشان يتربوا ويبطلوا صرمحة في الشوارع ... مش بقولك واجب قومي علشان البلد والله....

طب واللي واقفه في البلكونه الغلبانه بتنشر ولا بتجيب حاجة بالسبت بيطلع لها ميت واحد من الشارع راصدينها واللي يعاكس واللي يشاور.. الله ما هي قاصداها اهي وطالعة البلكونة علشان الناس تشوفها وتتعاكس .. هي اللي عاوزة تتعاكس من الاساس .. وانا لما بعاكسها بوريها قيمتها اصلا ... هي ايه اللي طلعها البلكونة من الاساس .. تنشر .. هههه دي تلاكيك يا عمنا ... دي عاوزة تتعاكس ... ماهو لو محترمة والله ما كنت هاقرب ناحيتها ...

طب واللي قاعدة في بيتها يا ناس .. ويطلعلها من الشباك اللي عمال يبص ويبحلق فيها ويعاكسها ... شوفت اديك قلت بنفسك ياعم ... هيا اللي فاتحة الشباك علشان الراجل ده يشوفها ويعاكسها ... وتلاقيها كانت بتتمخطر قدامه رايحة جاية ومتشيكه علشان يشوفها ويعاكسها .. هي لو محترمة تفضل في بيتها وتقفل الشبابيك والبلكونات والبيبان كلها وتقعد تحت السرير كمان علشان تبقى بنت محترمة بصحيح ومحدش يشوفها خااااااالص وتدفن نفسها بالمرة

العيب مش فينا العيب في الشباب الجاهل

انا معاك يا ادمين بس السباب الاساسى البعد عن تعليم دين الاسلام

طبعا بقة في جهل وتخلف في الشباب بلا قرف

ع فكرة يا جماعة خلود دي تبقي اختي وكمان واحدة تاني اسمها soso sweet
احنا التلاته اخوااااااات

اهلا بيكم منورين المنتدي

لية مش منشطين khlood alaa
مش عارفة يحط صورة

حلو اوى الموضع يا خلود منورة المنتدىوفعلا الشباب بيتلكك لاى سبب عشان يعاكس ويطلع القطط الفطسانة فالبنت الغلبانة االلى بيعاكسها مبقوش يعرفو يفرقو بين انواع البنات وبرده حتى لو البنت متشيكة وحاطة ميكب ونازلة فالرسول صلى الله عليه وسلم امرنا ان نغض البصر ما يمكن دى تكون مش مسلمة ولو مسلمة يبقى المفروض الشاب يلم نفسه ويعتبرها زى اخته وميبصلهاش دة الشباب اللى جد

جمييييل اووووى يا خلود تسلم اايدك

شكرا ليكم كلكم

فعلا دة جهل و تخلف بس في الاول بقا المفروض نقول غياب الدين و بعدين جهل و تخلف لان لو الشباب عارف ان دة حرام مشش هيعمله الا بقا اللي مش خايف من ربنا

صح يا توتا
شكرا خالص

» حلم البنات
» حالت البنات على المسنجر-يمنع دخول البنات منعا نهائيا
» كلام عن البنات
» اســـــرا ر البنات
» شوف البنات شيقولون عن الشباب وشوف الشباب شيقولون عن البنات