اصول اللعبة

لاتقلى شايب ولكن كان ولاتقلى فلان غلب علان
ده نظام عدى وكان تعالى أحكيلك حكايه جنان
لها صيت وصدى رنان حكاية لعبة الفها الزمان
ياعالم حتخلص على ايه كمان
كان فيه ولد فى الجرح شاطر شايف نفسه لعيب مغامر
قال يلا أروح وأغامر بقلوب ماتعرفش تعافر
وكانت دى مصيبتهم وجت هزيمتهم فى محبتهم
فيهم اللى تعب وأستسلم ومنهم اللى راح يكمل
وفضل صاحبينا يقول عفارم أنا طلعت واد ذكى وفاهم
وهافضل باللعبة أقوى
طالما بيتى مش من ازاز وبقيت فى الجرح استاذ
وحافضل باللعبة أقوى ماشى على القلوب استقوى
ماأنا فاهم أصلول اللعبة ده الغالب فيها بيبقى
وفى يوم أغبر مالوش ملامح كان ماشى فى دنيته وطايح
لقى بنت جميلة وبسرعه راح فيها سارح
ولقى قلبه فى لحظة دق وقع فيها وحب
وقرر يسرح انه بيحب
ماهو فاهم أصول اللعبة ده الغالب فيها بيبقى
وكانت خيبته تنحس فى الرد واللى بناه فى أحلامه اتهد
لما قنعها انشال وانهد وقالت له كلام يوجع بجد
وراحت تقول له صحصح ده أنا اللى عرفت فيك أفرح
وقدرت بخيالك أسرح
ماتيجى تتعلم وتبص ولاأنت فاكر انك لوحدك البص
ده أنا اللى فاهمة أصول اللعبة وان الغالب فيها دايما بيبقى
كان سلاحك هو قلبك والنهاردة خدعك وانقلب ضدك
واتسبب كمان فى ألمك
دى حكاية مش محتاجة شرح ده أنت مجرد كارت فى لعبة جرح
وأنا عرفتك مقامك صح
سيبنى يلا أوجع غيرك وروح يمكن تلاقى نصيبك
اتمنى عند النقل ذكر المصدر وشكرا
وفى انتظار ردودكم